61. Қубас хикаясы | Қисса сүл-әнбия

Жұмжұма немесе қубас хикаясы Ғайса пайғамбар жолда жатқан бір қу басты көріп, оның иесімен тілдескісі келді. Алладан: – Уа, Тәңірім, мына қу басқа тіл бітір. Кім екенін білейін, – деп сұрады. Алла қу басқа тіл бітірді. Ғайса: – Әй, қу бас, еркексің бе, әйелсің бе? Жайыңды баянда, – деді. Қу бас: – Затым ер. Бір заманда Шам шаһарының патшасы болдым, – деді. – Патша болсаң, неге алтыннан мазарың жоқ? Сүйегің неге шашылып жатыр? – деді Ғайса.