يوم رحلو وحدي بحزن خلوني . اداء المداح حسن عبدالكريم

القصيده والزهيري من كلمات/ الشاعر سعد الدليمي -------------- زهيري --------- ياصاح والله الحزن من غربو راح الي مكسور ظهري صفه وعنيت عاالراح الي يستاذ بعدك اون واصفگ على الراح الي وهلت دموع الحدى بسمك يغالي ونشد فراگك جرح باالگلب يصعب علينة نشد بدمعي ارد عاالمحب لو يوم عنك نشد من غبت عن ناظري ماشفت انا الراحة الي ------------- يوم رحلو وحدي بحزن خلوني هلن دمع لفراگهم يعيوني --------------------- هلن دمع يستاهل اني ابچيلة واقصد مقامة وصعب بعدة احچيلة فراگك حمل والعاشگ نهد حيلة بعدك يشيخي العقل صابة جنوني ---------------------- مخنوگ بعدك اني احس بحالي مابيها انت الدنيا ماتحلالي وين ابو نهرو البيك كل امالي هون علي فراگ هز متوني --------------------- ياراحلا من عيني باقي بروحي سلطان عشگي وبلسما لجروحي يستاذ گلبي يحدي الك وينوحي مو بيدي من حنيت لاتلموني --------------------- بعدك اسير الدمعة والحسراتي باالطيف مرني وسكن العبراتي مالي سوى نظرك كريم الذاتي دونك اظل بين الحزن مرهوني --------------------- حزني علي حزن الشمس لو غابت يعقوب روحي اليوسفي چن لابت باالتكية من تشتم عبيرك طابت بحبك يبو نهرو اظل مفتوني -------------------- فاح المسك والعنبر من ترابك وانت بمقامك تنطي فاتح بابك ياسيدي للموت كلنا احبابك اي كسنزان الرد اذا يسألوني -------------------- اي كسنزاني وأفتخر احچيها وروحي نذر لحبابها او واليها عذرا اذا دمعة حزن ابچيها غالي الرحل والفرگتة عينوني -------------------- ماغاب نورك خلفة العدناني وارث النور الشيخ ابو تيجاني للدين شمسة وللنصر عنواني يرخص الة والله ماي عيوني -----------------------