ଝୋ ଝୋ ବର୍ଷାରେ ଭିଜୁଛେ ଚାଷି ବୂପ୍ରାର୍ ଧାନ୍, ମୁଡେ ହାତ୍ ଦେଇକରି କାନ୍ଦୁଛେ ଚାଷୀ,ସରକାର୍ ବନ୍ଦ୍ କରିଦେଲେ ମଣ୍ଡି..

ରବି ଋତୁ ପାଇଁ ବରଗଡ ଜିଲ୍ଲାରେ ବନ୍ଦ୍ ହେଲା ଧାନ କିଣା ବିକା।ହେଲେ ଏବେବି ଜିଲ୍ଲାର ପଦ୍ମପୁର ,ଅତାବିରା ଓ ବରଗଡ ଆରଏମସି ଅଞ୍ଚଳରେ ପଡ଼ିରହିଛି ଲକ୍ଷ ଲକ୍ଷ ବସ୍ତା ଧାନ। ଚାଷୀଙ୍କୁ ସରକାର୍ ଦେଲେଣି ଟୋକନ୍, ଧାନ କିଣିବାକୁ ମଣ୍ଡିକୁ ଆସିଲେ ନାହିଁ ମିଲର୍ସ । ଖାଦ୍ୟ ଯୋଗାଣ ବିଭାଗ ଓ ମିଲର୍ସଙ୍କ ମଧୁ ଚନ୍ଦ୍ରିକା ଯୋଗୁଁ ହରଡ଼ଘଣାରେ ଜିଲ୍ଲାର 25 ହଜାର ଚାଷୀ । ସମସ୍ତ ଚାଷୀଙ୍କୁ ଟୋକନ୍ ମିଳିବ ବୋଲି ପ୍ରଶାସନ ଦେଇଥିଲେ ପ୍ରତିଶୁତି ।ହେଲେ ଧାନ କିଣାବିକା ସରିଗଲା ସରିଗଲା ହେଲେ ଚାଷୀଙ୍କୁ ମିଳିଲାନି ଟୋକନ୍। ବିକ୍ରି ହୋଇପାରିଲା ନାହିଁ କଷ୍ଟ ଉପାର୍ଜିତ ଧାନ ।ସେପଟେ ଗତ ବର୍ଷ ରବି ଋତୁରେ ଜିଲ୍ଲାରେ ଚାଷୀଙ୍କ ଠାରୁ ୬୩ ଲକ୍ଷ କ୍ୟୁଣ୍ଟାଲ ଧାନ ସରକାର୍ କିଣିଥିଲେ କିନ୍ତୁ ଏ ବର୍ଷ ସରକାର୍ ୫୮ ଲକ୍ଷ କ୍ୟୁଣ୍ଟାଲ୍ ଧାନ ଚାଷୀଙ୍କ ଠାରୁ କିଣି ମଣ୍ଡି ବନ୍ଦ କରିଛନ୍ତି ସରକାର୍। ବକେୟା କୋଡ଼ିଏ ଲକ୍ଷ କ୍ୟୁଣ୍ଟାଲ୍ ଧାନ ସିଧା ସଳଖ ମିଲରଙ୍କ ପାଖରେ ଖାଦ୍ୟ ଯୋଗାଣ ବିଭାଗ ଓ ଆରଏମସି ମିଶି ବିକ୍ରି କରିଦେଇଥିବା ଚାଷୀ ସଂଗଠନ ଅଭିଯୋଗ କରିଛନ୍ତି। ସେପଟେ ବରଗଡରେ ପ୍ରବଳ ବର୍ଷା ଯୋଗୁଁ ମଣ୍ଡିରେ ଥିବା ଧାନ ବର୍ଷା ପାଣିରେ ମିଶି ତାହା ଗଜାରେ ପରିଣତ ହୋଇଛି। ଏବେ ପ୍ରଶ୍ନ ଉଠୁଛି ମଣ୍ଡିରେ ପଡିଥିବା ୫ ଲକ୍ଷରୁ ଅଧିକ କ୍ୟୁଣ୍ଟଲ ଧାନ କିଏ କିଣିବ ତାକୁ ନେଇ ଉଠିଛି ପ୍ରଶ୍ନ ଓ ଏହାକୁ ନେଇ ଚାଷୀଙ୍କ ମହଲରେ ଉଠିଛି ତୁମ୍ବି ତୋଫାନ୍। ଯେଉଁ ଚାଷୀ ଧାନ ବିକ୍ରି କରିଛନ୍ତି କିନ୍ତୁ ଦୁଇ ସପ୍ତାହ ବିତି ଯାଇଥିଲେ ବି ସେମାନଙ୍କୁ ମିଳିନି ଉଚିତ୍ ପ୍ରାପ୍ୟ । ଝୋ ଝୋ ବର୍ଷାରେ ଭିଜୁଛେ ଚାଷି ବୂପ୍ରାର୍ ଧାନ୍, ମୁଡେ ହାତ୍ ଦେଇକରି କାନ୍ଦୁଛେ ଚାଷୀ,ସରକାର୍ ବନ୍ଦ୍ କରିଦେଲେ ମଣ୍ଡି...