Top Channel/ Shqiptarët grabisin shqiptarin! Pamjet e përleshjes me bandën e hajdutëve në Mykonos

E denjë për një skenar filmi është historia e biznesmenit shqiptar Tonin Preka, i cili prej vitesh është zhvendosur në Mykonos aty ku zhvillon biznesin e tij në fushën e ndërtimit. Në nëntor të vitit të kaluar ai ra pre e një grabitje me armë e leca nga 5 persona të maskuar. Top Channel ka siguruar pamjet e kësaj grabitje ku 41-vjeçari përleshet me agresorët madje i merr njërit prej tyre edhe pistoletën por nuk mund të qëllojë sepse i bie karikatorja. Grabitja ka ndodhur në zyrën e sipërmarrësit, e cila ndodhet ngjitur me shtëpinë e tij ku ka pasur fëmijët dhe bashkëshorten. Grabitësit, të cilët më vonë u identifikuan që ishin shqiptarë dhe ish-punonjës së biznesmenit kishin ruajtur në ditën ku ai do të paguante punëtorët dhe i grabitën çantën me 40 mijë euro. Por etja e tyre për para ishte më e madhe ata dhunuan biznesmenin për t’i marrë 500 mijë euro, ndërsa bashkëpunëtorit të tij që ishte në zyrë i thyen dorën t’i mernin buzylykun e floririt. Megjithëse të maskuar, biznesmeni shqiptar mundi të identifikojë grabitësit. Njëri prej agresorëve, Agustin Marku, u vu në pranga të nesërmen e grabitjes ndërsa dy të tjerët, Alfons Ndoci dhe Geralt Jahu, u arrestuan më 26 qershor të këtij viti. Ka qenë pikërisht biznesmeni Tonin Preka që i pa në një qendër tregtare dhe njoftoi policinë pavarësisht se ata edhe në këtë rast e kërcënuan me armë. Tentativa e tyre për arratisje dështoi dhe ata u vunë në pranga. Ndoci në 2014 kishte ekzekutuar një shtetas grek gjatë një grabitjeje, ndërsa në 2018 ishte arratisur nga burgu i Patrës. Ende në kërkim për këtë ngjarje janë Enderik Skënderaj dhe Nedin Bylbyli. Kjo bandë e rrezikshme prej 5 shqiptarësh jetonte në një kamper të pozicionuar në mikonos dhe natën dilnin dhe kryenin grabitje në vila e biznese të ndryshme. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopChannelNews#Hajdutet#Mykonos