Taxor tog‘lari orasida unutilgan o‘zbeklar — Toj qishlog‘iga safar

تخار تاغلری آره‌سیده اونیتیلگن اۉزبېکلر-تاج قیشلاغی‌گه سفر تاج‌ قیشلاغی تخار ولایتی‌نینگ رستاق تومنی‌ده جایلشگن. تقریباً ۳۰۰عایله بو قیشلاق‌ده حیات کېچیره‌دی، قیشلاق اهالی‌سی‌نینگ اکثریتی اۉزبېک‌لردن تشکیل تاپگن. تاج‌قیشلاغی تاغلر آره‌سی‌ده جایلشگن ساده قیشلاق بۉلیب، یۉل‌لری بوتکول بوزیلگن، شو سببلی قتناو‌و جوده قیین و قیشلاق‌ده ایچیملیک سو کمچیلیگی هم بار. قیشلاق اهالی‌سی‌نینگ کۉپچیلیگی دهقانچیلیک و مالدارلیک بیلن شغلنه‌نیب، خرج‌لرینی شو یۉل آرقلی تأمین اېته‌دیلر. قیشلاق‌نینگ ۵۰ یاشلی یشاوچیلری‌دن محمد ولی بونده‌ی دېدی: «آته‌بابالریمیز شو قیشلاق‌ده یشه‌ب کېلیشگن، بیز هم شو یېرده حیات کېچیریب یوریبمیز. اهالی‌نینگ اقتصادی وضعیتی جوده آغیر. بعضی عایله‌لرنی اویلری ویران بۉلگن قیته قوریشگه امکانیت‌لری یۉق شو سببلی ویران اویلرده یشه‌شگه مجبورلر. سوو کمچیلیگی سببلی بعضی عایله‌‌لر بو قیشلاق‌نی ترک اېتیب، سوو بار تومن‌لرگه کۉچیب کېتگن. قیش فصلیده اگر بیرار کیشی کسل بۉلسه، یۉل‌لر بوزوق‌لیگی سبب کسل‌نی شهر کسل‌خانه‌سیگه یېتکزیب باریش نهایت‌ده قیین بۉله‌دی؛ بعضی حالت‌لرده مریض‌نینگ احوالی آغیرلشسه، حیاتینی هم یوقاتیب قۉییشی ممکن. اقتصادی احوالی یخشی بۉلگن بعضی عایله‌لر بو قیشلاق‌دن شهرلرگه کۉچیب کېتگن، اما اقتصادی امکانیتی یخشی بۉلمه‌گن انسان‌لر هنوز هم شو قیشلاق‌ده قالیب، اۉز حیاتینی دوام اېتتیرماقده، دېب ایتدی. —— Taxor tog‘lari orasida unutilgan o‘zbeklar — Toj qishlog‘iga safar Toj qishlog‘i Taxor viloyatining Rustoq tumanida joylashgan. Taxminan 300 oila bu qishloqda hayot kechiradi, qishloq aholisining aksariyati o‘zbeklardan tashkil topgan. Toj qishlog‘i tog‘lar orasida joylashgan sodda qishloq bo‘lib, yo‘llari butkul buzilgan, shu sababli qatnov juda qiyin va qishloqda ichimlik suvi kamchiligi ham bor. Qishloq aholisining ko‘pchiligi dehqonchilik va chorvachilik bilan shug‘ullanib, xarajatlarini shu yo‘l orqali ta’minlaydilar. Qishloqning 50 yoshli yashovchilaridan Muhammad Vali bunday dedi: “Otobobolarimiz shu qishloqda yashab kelishgan, biz ham shu yerda hayot kechirib yuribmiz. Aholining iqtisodiy vaziyati juda og‘ir. Ba’zi oilalarning uylari vayron bo‘lgan, qayta qurishga imkoniyatlari yo‘q, shu sababli vayron uylarda yashashga majburlar. Suv kamchiligi sababli ba’zi oilalar bu qishloqni tark etib, suv bor tumanlarga ko‘chib ketgan. Qish faslida agar biror kishi kasal bo‘lsa, yo‘llarning buzilganligi sabab kasalni shahar kasalxonasiga yetkazib borish nihoyatda qiyin bo‘ladi; ba’zi hollarda bemorning ahvoli og‘irlashsa, hayotini ham yo‘qotib qo‘yishi mumkin. Iqtisodiy ahvoli yaxshi bo‘lgan ba’zi oilalar bu qishloqdan shaharlarga ko‘chib ketgan, ammo iqtisodiy imkoniyati yaxshi bo‘lmagan insonlar hanuz shu qishloqda qolib, o‘z hayotini davom ettirmoqda”, — dedi.