IKMT: Aksioni për prishjen e Copa Cabana në Sarandë përfundoi me sukses

IKMT: Aksioni për prishjen e Copa Cabana në Sarandë përfundoi me sukses Inspektorati Kombëtar i Mbrojtjes së Territorit (IKMT) njoftoi se ka përfunduar me sukses aksioni për prishjen e strukturave të konsideruara të paligjshme në subjektin “Copa Cabana” në Sarandë, pas disa ditësh operacionesh në terren. Sipas njoftimit zyrtar të IKMT-së, aksioni u mbështet edhe mbi referimet e agjencive ligjzbatuese për konstatimin e një ndërtimi pa leje në bregdet. Inspektorët e IKMT-së kryen verifikime më 13 maj 2026 në subjektin “A.B.”, në Lagjen nr. 1, Rruga Butrinti, ku konstatuan një sërë strukturash të ndërtuara pa autorizim. Institucioni deklaron se në terren u evidentuan një objekt 1-katësh me konstruksion metalik mbi platformë betoni, platforma betoni dhe druri, mure mbajtëse, shkallë, struktura metalike, si dhe një objekt betonarme me sipërfaqe 22.8 m². Sipas IKMT-së, të gjitha këto punime rezultuan pa leje ndërtimi dhe në kundërshtim me parametrat e lejuar. Në momentin e njoftimit të procesverbalit, pala e inspektuar, e përfaqësuar nga avokati, nuk paraqiti dokumentacion zyrtar justifikues për punimet e kryera deri në atë moment. Në vijim, IKMT mori vendimin nr. 0000034, datë 13.05.2026, për prishjen e objektit, si dhe vendimin nr. 0000125 për gjobitjen e subjektit me mbi 11.6 milionë lekë. Sipas institucionit, ekzekutimi i vendimit nisi më 14 maj dhe u përmbyll gjatë ditës së sotme. Ndërkohë, më 18 maj, avokati i subjektit, Rigels Dërvishi, pretendoi publikisht se ekziston një leje ndërtimi e miratuar nga KKTU për strukturën në fjalë. Pas verifikimeve, IKMT konfirmoi se në vitin 2025 ishte lëshuar një leje nga KKTU me nr. prot. 3509/4 për një strukturë shërbimi në stacion plazhi në emër të subjektit “COPACABANA Saranda”. Sipas dokumentacionit, leja parashikonte një sipërfaqe strukture prej 60 m², platformë sistemimi prej 110 m² dhe përdorim të materialeve të lehta, pa shtrirje në det. Megjithatë, IKMT thekson se punimet e konstatuara në terren nuk përputheshin me parametrat e lejes së dhënë dhe se subjekti nuk gëzonte më të drejtën e përdorimit të hapësirës. Në të njëjtën kohë, Agjencia Kombëtare e Bregdetit bëri të ditur se subjekti “CopaCabana Saranda” kishte kërkuar vetë zgjidhjen e kontratës së qirasë për stacionin e plazhit që prej 25 tetorit 2025, duke hequr dorë nga përdorimi i tij. Sipas AKB-së, kontrata e qirasë ishte zgjidhur zyrtarisht disa ditë më vonë. Në përfundim të reagimit zyrtar, IKMT deklaron se subjekti po kryente ndërtime pa leje në një hapësirë për të cilën nuk dispononte më të drejtë përdorimi dhe se edhe leja e mëparshme e KKTU-së nuk kishte lidhje me situatën dhe volumin e ndërhyrjeve të evidentuara në terren, përfshirë edhe hapësirën detare. IKMT, IKMT Sarandë, Copa Cabana Sarandë, Coba Cabana Sarandë, prishja Copa Cabana, aksion IKMT Sarandë, ndërtim pa leje Sarandë, beach bar Sarandë, Rigels Dërvishi, Arjola Dhrami Bajo, AMP Sarandë, polici Sarandë, Gëzim Bashllari, Skëndër Hita, lajme Sarandë, Saranda Web, shembje objekti në Sarandë, IKMT Shqipëri, kronikë Shqipëri, bregdeti shqiptar, Agjencia Kombëtare e Bregdetit, KKTU, ndërtim pa leje në bregdet, jugi i Shqipërisë, lajme të fundit Sarandë, aksion në Sarandë, plazhet e Sarandës, prishje beach bar, video Sarandë, Saranda news Saranda Web - Rrjeti më i madh informues & promovues - Saranda News & Info - Gjithçka rreth Sarandës Website https://sarandaweb.net/ Facebook   / sarandaweb.net   Instagram   / saranda.web   Youtube    / @sarandaweb   Tiktok   / saranda.web   Pinterest   / sarandaweb   in   / sarandaweb   Linktree https://linktr.ee/sarandaweb