Top News - Bien regjistrimet e makinave. Lufta dhe kostot e transportit frenojnë blerjet

Regjistrimet e automjeteve kanë shënuar rënie edhe gjatë muajit maj, duke përshpejtuar ritmet e tkurrjes pas ngadalësimit të evidentuar në prill. Sipas të dhënave zyrtare, në maj u regjistruan 8,116 automjete, 7.5% më pak krahasuar me të njëjtin muaj të vitit të kaluar dhe niveli më i ulët i tre viteve të fundit. Pas një fillimi të vrullshëm të vitit, kur në periudhën janar-mars regjistrimet u rritën me 8.4%, tregu po ndikohet nga vështirësitë në importet e mjeteve nga Koreja e Jugut dhe Kina, dy burimet kryesore të furnizimit për Shqipërinë. Sipas operatorëve të tregut, situata në Lindjen e Mesme dhe tensionet në Ngushticën e Hormuzit kanë detyruar kompanitë e transportit të përdorin itinerare alternative, duke rritur kostot e transportit deri në 30% dhe duke zgjatur kohën e mbërritjes së automjeteve. Sipas revistës Monitor rënia ka prekur edhe tregun e makinave elektrike. Pas rekordit historik prej 1,252 regjistrimesh në mars, numri zbriti në 1,191 në prill dhe vetëm 794 në maj, niveli më i ulët i këtij viti. Megjithatë, krahasuar me një vit më parë, regjistrimet e mjeteve elektrike janë rritur 2.5 herë, duke arritur në afro 5 mijë njësi ose 12.7% të totalit. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Regjistrimet#Makinat