දෙව්ලොවදී මගඵල ලැබිය නොහැකිද? | Ven Kiribathgoda Gnanananda Thero

පූජ්‍ය කිරිබත්ගොඩ ඤාණානන්ද ස්වාමීන් වහන්සේ විසින් 2018-10-11 වන දින කඩුවෙල මහමෙව්නාව බෝධිඤාණ භාවනා අසපුවේදී සෝතානුධත සූත්‍රය ඇසුරෙන් පවත්වන ලද ධර්ම දේශනය සෝතානුධත සූත්‍රය ඇතුලත් වන්නේ අංගුත්තර නිකායේ චතුක්ක නිපාතයට යි. මෙහි විස්තර වන්නේ මනුලොව සිටියදී සුත්ත, ගෙය්‍ය, වෙය්‍යාකරණ ආදී නවාංග ශාස්තෘ ශාසනය මනාකොට අසා (සුතා) මතක තබාගෙන (ධතා) වචනයෙන් පුරුදු කොට (වචසා පරිචිතා) සිතින් විමසා (මනසානුපෙක්ඛිතා) නුවණින් අවබෝධ කොට (දිට්ඨියා සුප්පටිවිද්ධා) සිටින ආර්ය ශ්‍රාවකයා මිය යන මොහොතේ සිහි මුළාවෙන් මිය ගියත් ඔහු දෙව්ලොව උපදින බවයි. එලෙස දෙව්ලොව උපදින ශ්‍රාවකයා දෙව්ලොව තුලදී මාර්ගඵල අවබෝධයක් කරා යන ආකාර සතරක් ගැන මෙම දෙසුමෙහි විස්තර වේ. දෙව්ලොව උපදින මගත් දෙව්ලොව ඉපදිය යුත්තේ කුමක් පිණිස ද යන වගත් දෙව්ලොව ඉපදීමෙන් ලැබෙන ලාභය ගැනත් මෙයින් ඔබට වටහා ගත හැකි වනු ඇත. බුදුරජාණන් වහන්සේ ජීවමානව වැඩසිටි කාලයේදීවත් බුදුරජාණන් වහන්සේගෙන්ම ධර්මය අසන්ට ලැබුණත් සියලු දෙනාට ම රහත් වෙන්නට හෝ මගඵල ලබන්නට තරම් පුණ්‍ය වාසනාව තිබුණේ නැත. නමුත් තිසරණයේ පිහිටා පින් දහම් කරමින් භාග්‍යවතුන් වහන්සේ වදාළ ධර්මය ඉහත කී සුතා, ධතා, වචසා පරිචිතා ආදී පස් ආකාරයට මනාකොට ඉගෙන ගැනීමෙන් ඒ හැමට පරලොව දී මගඵල ලැබීමට වාසනාව උදාවිය. එම නිසා මහන්සියෙන් උත්සාහයෙන් කැපවීමෙන් හා ඉවසීමෙන් යුතුව භාග්‍යවතුන් වහන්සේගේ ධර්මය ඉගෙන ගැනීම අපට සැමට මහත් වූ යහපත පිණිස පවතින බවත් එම උත්සාහය කිසිවිටෙක අපතේ නොයන බවත් තේරුම් ගන්න. Mahamevnawa Monastery Sinhala Website : https://mahamevnawa.lk/ English Website : https://mahamevnawabm.org/ Facebook :   / mahamevnawa.lk   SoundCloud Audio Library :   / mahamevnawa-lk   Twitter :   / mahamevnawalk   Useful Links -------------------- Our Publications : https://mahamevnawa.lk/new-publications/ Meditation Instructions in Sinhala : https://mahamevnawa.lk/meditation/ Siri Gautama Sambuddharaja Maligawa : https://sambuddharajamaligawa.lk/ Jathaka Stories in Sinhala : https://jataka.mahamevnawa.lk/ Dhammapada Stories in Sinhala : https://dhammapada.mahamevnawa.lk/