Top Channel/ Dita e patriotëve të vërtetë! 28 Nëntori, Top Channel uron të gjithë shqiptarëve Gëzuar

Sot është ditëlindja e shtetit modern shqiptar, një moment historik që na ka formësuar në atë që ne jemi, shqiptarë dhe europianë. 111 vite më parë, etërit themelues të këtij shteti krijuan shtëpinë e sigurt për kombin dhe për shqiptarinë, që është shumë më e madhe se sa hapësira e asaj që sot quhet Shqipëri. Historia e identitetit tonë nuk nis këtu, por shumë thellë në histori. 28 Nëntori është një datë e shënuar shekuj më parë nga heroi ynë kombëtar Gjergj Kastriot Skënderbeu, etërit themelues, shekuj më pas ecën nën gjurmët e tij në finalizimin e shtetit. Historia e shqiptarisë nuk mbaron këtu. Në botën që po ecën me shpejtësi drejt globalizimit, rrëzimit të kufijve, është detyra e të gjithë bashkëkohësve për të vazhduar ndërtimin e identitetit tonë. Ka shumë shqiptarë që po e bëjnë emra, që po lënë gjurmë edhe përtej kufijve tokësorë, duke i imponuar respekt për shqiptarinë. Sot është dita simbol e të gjitha përpjekjeve të patriotëve, që krijuan shtetin shqiptar, por për ne nuk duhet të jetë e vetmja ditë që të sillemi si patriotë. Jo vetëm ta brohorasim patriotizmin në stadium apo ditë festash, por të sillemi çdo ditë. Zhvillimi kulturor, social, ekonomik është sot patriotizmi i vërtetë. Shkollimi i të rinjve për të qenë europianë të barabartë në botën që po ndryshon, është patriotizmi i vërtetë. Kush sot bën të kundërtën për ta penguar ecjen para, është thjeshtë pasardhës i përpjekjeve të dikurshme që kërkonin të ndalonin me forcë krijimin e shtetit shqiptar. Sot armiqtë e kombit janë, varfëria, korrupsioni, injoranca, kriminaliteti, nëse mundim këta armiq, është shumë më e lehtë të përballesh me sfidat që na krijojnë ata që nuk flasin shqip si ne. Ne në Top Channel dhe Top Media, po bëjmë pjesën tonë të përgjegjësisë dhe për këtë shqiptarët na kanë vlerësuar. Nisëm shumë vite më parë revolucionin mediatik që i dha një rrugë europiane informimit, por njëkohësisht krijuam një lidhje që i mungonte gjithë pjesëve të kombit tonë, në tokat etnike në ballkan dhe në diasporë kudo në botë. Ajo që do mbahet mend gjatë si kontribut për shqiptarinë është përhapja e fjalës shqip kudo në botë. Sot, pasardhësit e emigrantëve shqiptarë kudo në botë flasin shqip edhe me ndihmën e top media. Por kontributi më i madh patriotik është lufta jonë e përditshme për fjalën e lirë, informimin e drejtë dhe mbrojtjen e interesit publik. Në mënyrë që kombi të ecë përpara drejt të qënit të barabartë si shqiptarë në shtëpinë e madhe europiane të kombeve të përparuara. Një kontribut për të shkuar drejt dritës që lind nga Perëndimi. Sot është festa e 111 e krijimit të shtetit, një ditë e rëndësishme që na bën të gjithëve bashkë pa dallim moshe, feje, apo vendi ku jetojmë dhe që na bën të emocionohemi si të ishte dita e parë e pavarësisë. Dhe sot në këtë ditë kuqezi, Top Channel uron gëzuar të gjithë shqiptarëve. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #PavarësiaeShqipërisë#TopChannelNews