"Бала арманы: как мечты сельских детей становятся реальностью - Документальный фильм

Қазақстанның алыс ауылдарындағы мектептерде мыңдаған бала үлкен өмірге қанат қағуды армандайды. Бірақ, өкінішке қарай, олардың алдында көптеген кедергілер бар. Аймақтық айырмашылықтар, материалдық-техникалық базаның жеткіліксіздігі, мұғалімдердің кәсіби дамудағы теңсіз мүмкіндіктері – бұл олардың арманын шындыққа айналдыруға кедергі келтіретін шындық. Біз бұл фильмді “Тірек мектептері” жобасы аясында түсірдік. Жобаның мақсаты – ауыл мектептерін дамыту арқылы балаларға үлкен армандарды жүзеге асыру мүмкіндігін беру. Бұл жоба тек білім беру ғана емес, ауыл балаларының болашағын қолдауға арналған ерекше миссия. “Бала арманы” фильмі – бұл шынайы үміт туралы деректі фильм. Доссор ауылындағы Ораз Сарғұнанов мектебінің оқушылары өз армандарымен бөлісті. Бұл жай сөздер емес, бұл олардың жүректерінен шыққан шынайы үн. Олар фильмнің сценарийін жазып, өз әлемін, өз болашағын біздің көз алдымызда салды. Фильмді түсіру барысында біз балалардың армандарының қаншалықты үлкен екенін түсіндік. Олардың үні тек ауылға емес, бүкіл елге жетуі керек екенін сезіндік. Бұл фильм – жай ғана туынды емес. Бұл – ауыл балаларының үміті, болашаққа деген сенімі, шексіз мүмкіндіктерге деген құлшынысы. Біз әрбір ауыл мектебінің маңызды екенін, ауыл балаларының арманын қолдау – бүкіл қоғамның болашағын қолдау екенін көрсетуге тырыстық. Жақында фильмнің толық нұсқасын көріп, сіз ауыл балаларының әлемін жаңа қырынан танисыз. Бұл фильм сіздің жүрегіңізге жетеді деп сенеміз. Өйткені әр арман – жаңа мүмкіндік.