Vdekja e 6-vjeçarit, arrestime të reja në spitalin e Korçës-(24 Korrik 2009)

Lajme Arkiva 2009 Policia e Korçës ka vënë në pranga një tjetër infermier të spitalit rajonal nën akuzën e mjekimit të pakujdesshëm të 6-vjeçarit që gjeti vdekjen nga pickimi i gjarprit. Arrestimi i 41-vjeçarit, Kosta Karamitro, e çon në katër numrin e punonjësve të këtij spitali të ngarkuar me përgjegjësi ligjore për vdekjen e të miturit, Viktor Balliu. Karamitro, infermier në repartin e reanimacionit, ishte pjesë e ekipit të mjekëve dhe infermierëve që trajtuan fëmijën kur ai mbërriti në spitalin e Korçës në gjendje të rëndë shëndetësore. Organi i akuzës e ka cilësuar edhe atë përgjegjës për mosdhënien e ndihmës mjekësore të plotë, çka mund t’i shpëtonte jetën fëmijës, por arrestimet e bluzave të bardha në këtë spital kanë sjellë reagimin e kolegeve të tyre. Sot ata kane nisur një protestë pa afat, duke i quajtur si të padrejta arrestimet, derisa nuk është zbardhur ende shkaku i vdekjes së 6-vjeçarit. Sipas tyre, fëmijës i është dhënë ndihma e nevojshme, por vdekja nuk mund të shmangej pasi familjaret e kishin sjellë me vonesë në spital. “Fëmija na ka ardhur në gjendje shumë toksike. Neve të nesërmen fëmijës na ka ardhur po nga i njëjti fshat një pacient që është shëndoshë e mirë. Vitet e fundit i kemi trajtuar rastet me kafshim nga gjarpri vetëm me serume anti-tetanik dhe jo antiviper se ka munguar kjo. Me prednizolon, kortizonik dhe ata kanë kaluar shumë mirë, nuk kemi pasur as një vdekje.” “Infermierët dhe mjekët kanë bërë maksimumin.” “Greva do vazhdojnë derisa shokët tanë të dalin të jenë këtu midis nesh.” Kjo proteste ka përfshirë vetëm personelin e mesëm të këtij spitali. Pjesa tjetër e kolegëve të tyre po e vazhdojnë rregullisht punën. Ekipi mjekësor që trajtoi djalin 6-vjeçar nuk i dha atij serumin antivipera, të përcaktuar në kartelë nga mjeku, nën argumentimin se ky serum nuk gjendjen në spital, por grupi hetimor i ngritur për të hedhur dritë mbi këtë ngjarje, gjeti në spitali sasi të këtij serumi, të magazinuar që prej vitit 2007./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/