धुंद झाला तुझा दरबार! सुंदर आवाजात संत जनाबाई यांचा अभंग ज्ञानराज भजनी मंडळ सुळेवाडी, सिन्नर

धुंद झाला तुझा दरबार! सुंदर आवाजात संत जनाबाई यांचा अभंग ज्ञानराज भजनी मंडळ सुळेवाडी, सिन्नर पुण्यवंत पाताळ लोकीं नेला । दरिद्री तो भाग्यवंत केला । चोरटयाचा बहुमान वाढविला । कीर्तिवानाचा अपमान केला ॥१॥ धुंद झाला तुझा दरबार ॥धृ०॥ वैरियासी दिधली मोक्षसिद्धि । कपटिया दिधली महानिधी । सेवकाच्या ढुंगा न मिळे चिंधी । चाळकासी त्रैलोक्य भावें वंदी ॥२॥ पतिव्रता ती वृथा गुंतविली । वेश्या गणिका ती सत्यलोका नेली । कळी स्वकुळा लावियेली । यादववृंदा ही गोष्‍ट बरी नाहीं केली ॥३॥ सत्त्ववानाचा बहु केला छळ । कीर्तिवानाचें मारियेलें बाळ । सखा म्हणविसी त्याचें नासी बळ । जनी म्हणे मी जाणें तुझे खेळ ॥४॥