ရှမ်းပြည်နယ်၊ ညောင်ရွှေမြို့ရှိ ရွှေရန်ပြေဘုန်းကြီးကျောင်းသမိုင်း (Shwe Yan Pyay Monastery) 🇲🇲 🇲🇲

ရှမ်းပြည်နယ်တောင်ပိုင်း ညောင်ရွှေမြို့ရှိ ရွှေရန်ပြေဘုန်းကြီးကျောင်း အကြောင်း သမိုင်းကို ပြောပြပေးသွားမှာ ဖြစ်ပါတယ်။ ရွှေရန်ပြေဘုန်းကြီးကျောင်းသည် တွင် ဗုဒ္ဓဘာသာဘုန်းကြီးကျောင်း တစ်ကျောင်း ဖြစ်ပါတယ်။ ကျောင်းတော်ကို ခရစ်နှစ် ၁၈၈၉ ခုနှစ် (မြန်မာသက္ကရာဇ် ၁၂၅၁) တွင် စောအုန်းမှ တည်ဆောက်ခဲ့တယ်။ သမိုင်းကြောင်းကတော့ ၁၈၈၇ ခုနှစ်၊ ဖေဖော်ဝါရီလ ၁၀ ရက်နေ့တွင် ဗြိတိသျှအင်္ဂလိပ်တို့သည် ညောင်ရွှေမြို့သို့ လာရောက်တပ်စွဲခဲ့ကြပါတယ်။ ရှမ်းပြည်နယ်တွင် ပထမဆုံးတာဝန်ပေးအပ်ခြင်းခံရသည့် အင်္ဂလိပ်အရာရှိ အေအိတ်ဟေဒါဘရန့် (A.H. Hilderbrand) နှင့် တွေ့ဆုံခဲ့သည့်နေရာတွင် ဘုရားတည်ခဲ့ပါတယ်။ ထိုတည်ဆောက်စဉ်ကာလက ရွှေရန်ပြေစေတီကို "ခံတပ်စေတီ" ဟုသာ ခေါ်ခဲ့ကြပါတယ်။ ဘုရားရှိ ကျောက်စာများအရ စေတီတော်ကို သက္ကရာဇ် ၁၂၅၀ ပြည့်နှစ် ပထမဝါဆိုလဆန်း ၅ ရက် (၁၂ ဇွန် ၁၈၈၈) အင်္ဂါနေ့တွင် ဘုရားကို အုတ်မြစ်ချခဲ့ပါတယ်။ နတ်တော်လပြည့် ကျော် ၅ ရက် (၂၂ ဒီဇင်ဘာ ၁၈၈၈) အင်္ဂါနေ့ ရောင်နီလာချိန်တွင် ဘုရားထီးတင်ခဲ့ပါတယ်။ သက္ကရာဇ် ၁၂၅၀ ပြည့်နှစ် (၁၈၈၈-၈၉ ခုနှစ်) တွင် နောင်တော်ညောင်ရွှေမြို့စော်ဘွားကြီးသည် ရွှေရန်ပြေမဟာရန်အတွင်းမြေကို လှူဒါန်းခဲ့ပါတယ်။ ထိုမျှသာမက သိင်္ဂိကကျောင်း၊ တောရကျောင်းတို့ကိုလည်း လှူဒါန်းကာ ဥပစာအတွင်းတွင် ကျောက်စာတိုင်စိုက်ထူကာ မှတ်တမ်းထိုးခဲ့ပါတယ်။ ကျောင်းတော်ကို သစ်သားများနှင့် ကျွန်းသစ်များဖြင့် တည်ဆောက်ထားပါတယ်။ နံရံများပေါ်တွင် အနီရောင်နောက်ခံဖြင့် ဆေးရေးပန်းချီများကို လေ့လာနိုင်ပါတယ်။ ကျောင်းတော်တွင် တိုင်ပေါင်း ၁၆၇ တိုင် ရှိပါတယ်။ ဗိသုကာပုံစံမှာ အမိုးခုံးပုံစံဖြစ်ပြီး အဆောင်များကို တန်ဆောင်းများဖြင့် ချိတ်ဆက်ထားပါတယ်။ အနုပညာနှင့် ဗိသုကာလက်ရာမြောက်သည့် ဘဲဥပုံစံပြတင်းပေါက်တစ်ခုလည်း ပါရှိပါတယ်။ ရွှေရန်ပြေဘုရား တည်ဆောက်ရန်အတွက် ၁၈၈၈ ခုနှစ် စက်တင်ဘာ ၁၄ ရက်တွင် ငထွားနှင့် ပန်းရန်ခေါင်း ဘိုးဦးတို့ကို အုတ် တစ်သိန်း၊ ထုံးမှုန့် တင်း ၄၀၀၊ သဲတင်း ၄၀၀၊ တင်လဲ ပိဿာ ၈၀၀၊ ကျွဲရမှဖြစ်သောအစေး ပိဿာ ၁၀၀၊ အုံတုံ အစီး ၃၀၊ သစ်ကြံပိုး အိတ် ၃၀၊ ဘက်ရန် အိတ် ၃၀ တို့ကို ပေးအပ်၍ တည်ဆောက်စေခဲ့ပါတယ်။ ဘုရားနှင့်ကျောင်းအတွက် စော်ဘွား စောအုံ မန္တလေးမှ ဝယ်ယူသောပစ္စည်းများမှာ ပိဋကတ်သုံးပုံ၊ ကျောက်ဖြူ ဗုဒ္ဓရုပ်ပွားတော် ၇၀၀ ဖြစ်ပြီး ကုန်ကျငွေကျပ် ၇၀၀၀ ခန့် ရှိမည်ဖြစ်ပါတယ်။ ရွှေရန်ပြေစေတီသည် ခေါင်းလောင်းပုံစေတီပုံစံဖြစ်ပြီး ဖိနပ်တော် ၁၂ ပေ စတုရန်းပေါ်၌ ဉာဏ်တော် ၅၈ ပေ ရှိပေတယ်။ ဘုရား၏ အရှေ့မြောက်၊ အရှေ့တောင်၊ အနောက်တောင်နှင့် အနောက်မြောက်မှာ အာရုံခံတန်ဆောင်းကြီးလေးဆောင်နှင့် ရံထားပါတယ်။ အရှေ့ဘက်တွင် ၂၇ ပေ စတုရန်းပေါ်တွင် အမိုးလုံးနှင့် တန်ဆောင်းတစ်ဆောင်ရှိပါတယ်။ တန်ဆောင်းများကိုဆက်ရန် အမိုးပါသော လမ်းကူးများလုပ်ပေးထားပါတယ်။ တန်ဆောင်းများ၏ အပြင်နံရံများသည်လည်း တစ်ဆောင်နှင့်တစ်ဆောင်ထိပြီး ဆက်ပေးထားပါတယ်။ အမိုးခုံးနှင့် တန်ဆောင်းမှလွဲ၍ ကျန်တန်ဆောင်းအားလုံးမှာ အမိုးပြားများသာ ရှိပါတယ်။ တန်ဆောင်းအမိုး လေးခုစလုံးမှာ အတွဲလိုက်ဖြစ်၍ ကွင်းပြင်တစ်ပြင်တည်းကဲ့သို့ ဖြစ်နေပါတယ်။ ရွှေရန်ပြေ ဘုရားတန်ဆောင်းအတွင်း၌ လှပဆန်းကြယ်သော မှန်စီရွှေချ နံရံဆေးရေး အနုလက်ရာများကိုလည်း ရေးဆွဲထားသည်ကို တွေ့ရှိရပါတယ်။ #myanmar #myanmarhistory #မြန်မာသမိုင်း #စိတ်အေးချမ်းရာ #သဘာဝ #မြန်မာစကားပြော #သမိုင်းကြောင်း #စိတ်ဓာတ်ခွန်အားရှိစာပေများ #ရွှေရန်ပြေဘုန်းကြီးကျောင်းသမိုင်း #shweyanpyaymonastery #myanmarheritage #မြန်မာ့အမွေအနှစ်