Tamafine Lagona Mamao

Te pese tenei, ne faite mai luga ite ologa maua Tanei mo Mina o fua lau. Ne matea kii te olaga nofo Fenua. E 2 aso ne fua lau ai maua tela e fakatautau koa lava ate tautino o maua ki loto, Tela e taki 35 lau ite kaiga Teava. Ne gaegae, sulufia i talaifala, velasia nete laa, tauta, Kae katakata ona koa lasi te fia ola ite olaga papalagi kae koa mafulefufule ite fai galuega masani ote Fenua, hahaaa. Tamafine Lagona Mamao kote fale fakasagisagi i Sagasaga tela e nofo mai lalo ite tausiga ne te feitu mai Teava. E fakafou tena lau ite taimi nei aso Ono kae ne fakaoti ite aso Monday po 1/6/26. Kaiga Teava e taki 35 katoa lau. Avanoaga gali mo tatou fanau Niutao maise feitu Teava, ke fakatumau o tausi te fale tenei Tamafine Lagona Mamao e mafai ai o tausi kae puipui ne tatou a tuu mo faifaiga faka Tuvalu 🇹🇻 i vaega mea tau fale Tuvalu. Tasi o avanoaga o fakatumau te akoako o fanau Niutao i taimi e sui ai te lau. Toe fia nei tausaga mai mua koa se matea atu ai se fale Tuvalu e toe mai, se vagana ke tausi ailoa ne tatou ate tou fale tenei.