Қарғалы ауылында 10 көшеге жарық шамдары орнатылып жатыр

Қарғалы ауылдық округіндегі көшені жарықтандыру, қоқыс контейнерлерін орнату, абаттандыру жұмыстарына республикалық бюджеттен 17 миллион теңгеден астам қаржы бөлінді. Қазір көпқабатты үйлердің аулаларына балалар алаңын салу жұмыстары да жүріп жатыр. Қураған ағаш кесіліп, жүргіншілер жолы салынды. Бұл туралы бүгін ауылдық округ әкімі Алмас Әлімбаев жартыжылдық есеп беру кездесуінде айтты. Қарғалы ауылы тұрғындарының ортақ шешімімен 400 дана қураған ағаш кесіліп, 5 көше жарықтандырылды. Қазір тағы 10 көшені жарықтандыру жұмыстарын жүріп жатыр. Абаттандыру жұмыстары кезінде ағаш пен гүл көшеттері отырғызылған. Бірақ, саяжайда тұратын халықты газ жеткізу, дүкен тапшылығы мәселесі мен жол жайы алаңдатады. Қарғалы ауылының кәріз жүйесі 50 жылдан бері жөндеу көрмеген. Енді ғана қаржы бөлініп, жөндеу жұмыстары басталды. Сонымен қатар, су құбырлары да жаңартылып жатыр. Алдағы уақытта "Нұрлы жол" бағдарламасы аясында 54 миллион теңге бөлінсе, Қарғалы ауылында бір көше, Ақжар елді мекенінде 2 көше жөнделеді.