Khit Thit Evening News | May 23, 2026

Khit Thit သတင်းဌာန၏ မေ ၂၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၃ ရက် ညနေပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ မတရာဖမ်းဆီးခံထားရတဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သက်ရှိထင်ရှားရှိကြောင်း စစ်တပ်က ထုတ်ပြဖို့ ငြင်း ဆန်နေတာဟာ သူမဟာ ကျန်းမာရေးဆိုးရွား နေတာမျိုး ဒါမှမဟုတ် သက်ရှိထင်ရှားမရှိတော့မှုကြောင့် ဖြစ်နိုင်တယ်လို့ ဒေါ်အောင်ဆန်းစုကြည်ရဲ့ စီးပွားရေးအကြံပေးဟောင်း ရှောင်တာနယ် က ထုတ်ဖော်ပြောဆိုလိုက်ပါတယ်။ -ရန်ကုန်မြို့ပေါ် တာမွေမြို့နယ်အတွင်းမှာ ရဲဝန်ထမ်းအမည်ခံပြီး လမ်းသွားလမ်းလာ ပြည်သူတွေကို ပေါ်တာဆွဲ ဖမ်း ဆီးဖို့ ကြိုး ပမ်းနေသူတစ်ဦးကို အနီးအနားမှာရှိတဲ့ ပြည်သူတွေက ဝိုင်းဝန်းဖမ်းဆီး ခဲ့တယ်လို့ ဒေသခံ ပြည်သူတွေရဲ့ ပြောဆိုချက်နဲ့ လူမှုကွန်ရက်မှာ ပြန့်နှံ့လာတဲ့ ဗီဒီယိုအရ သိရပါတယ်။ စစ်အာဏာရှင်တော်လှန်ရေးမှာ နည်းပညာအဆင့်မြှင့်တင်မှု အစိတ်အပိုင်းတစ်ရပ်အဖြစ် (HOD-PDF) တပ်ဖွဲ့က မြေပြင်မှာ လူကိုယ်တိုင် မောင်းနှင်ဖို့ မလိုဘဲ ကွန်ပျူတာစနစ်နဲ့ အဝေးကနေ ထိန်းချုပ် မောင်းနှင်နိုင်တဲ့ "မောင်းသူမဲ့ယာဉ်စနစ်" ကို အောင်မြင်စွာ စမ်းသပ်နိုင်ခဲ့ကြောင်း လူမှုကွန်ယက်က နေတဆင့် ထုတ်ဖော်ပြသလာပါတယ်။ အီရန်နဲ့ ဖြစ်ပွားနေတဲ့ စစ်ပွဲကို အဆုံးသတ်မယ့် အစိတ်အပိုင်းတစ်ခုအနေနဲ့ အီရန်ရဲ့ ယူရေနီယံတွေကို အမေရိကန်က သိမ်းယူပြီး ‘ဖျက်ဆီးပစ်ဖို့ရှိတယ်’ လို့ သမ္မတ ထရမ့် ကပြောလာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။