ROOM.33｜EP17｜33 X DJ LORRY｜辦《說唱大將軍》因香港Hip Hop再燃起愛：不管什麼世代，只要有愛，就有未來

繼續上一集Lorry 哥哥打開佢幾十年音樂人生嘅暗格， 由 2014 年毅然離開 DJ 圈、轉身做攝影講起，講到點解當年寧願唔撈，都唔想對住自己冇愛嘅聲音扮投入。 去到疫情時代，直播意外令佢重拾打碟嗰團火， 再一路追返香港新世代 rapper，重新感受到本地 Hip Hop 嗰種野性、 真誠同可能性。 呢一集唔只係講音樂轉變、DJ 文化、Mashup、Hip Hop 興衰， 仲有一種好罕有嘅成熟型格：你會聽到一個真係見過高低起跌嘅人， 點樣講幸福、講熱愛、講創作，甚至講一句好簡單但超有後勁嘅說話 ——「你今日唔講，未必有機會。」 由 Old School 講到新世代，由場內打碟到《說唱大將軍》， 呢集我哋講多啲當刻嘅心情，或者呢段珍貴嘅對話，已經係對未來憧憬嘅投射。