မနက်ခင်းတိုင်းဖွင့်ပရိတ်တရားတော်🙏🏻#ပဌာန်း၂၄ပစ္စည်း#မဟာသမယသုတ်#မေတ္တာသုတ်#ဓာရဏပရိတ်တော်🌹🌹🌹

အရပ်လေးမျက်နှာ၊ အရပ်ရှစ်မျက်နှာ၊ အထက်အောက် အရပ်ဆယ်မျက်နှာရှိ သတ္တဝါအပေါင်းတို့အားလုံး ကိုယ်စိတ်နှစ်ဖြာ ကျန်းမာချမ်းသာကြပါစေ။ ရန်သူဘေး၊ အန္တရာယ်ဘေး၊ ရောဂါဘေး၊ အစာရေစာရှားပါးခြင်းဘေး၊ သဘာဝဘေးအန္တရာယ်အမျိုးမျိုးတို့မှ ကင်းဝေးကြပါစေ။ စိတ်ဆင်းရဲခြင်း၊ ကိုယ်ဆင်းရဲခြင်းတို့မှ လွတ်မြောက်၍ စိတ်အေးချမ်းခြင်း၊ ကိုယ်ကျန်းမာခြင်းနှင့် ပြည့်စုံကြပါစေ။ ကောင်းမှုကုသိုလ်များ တိုးပွား၍ ပညာဉာဏ်ထွန်းကားကာ မေတ္တာ၊ ကရုဏာ၊ မုဒိတာ၊ ဥပေက္ခာ တရားလေးပါးကို နှလုံးသွင်းနိုင်ကြပါစေ။ ရတနာသုံးပါး၏ ဂုဏ်ကျေးဇူးတော်ကို အမှီပြု၍ ကုသိုလ်ကံကောင်းများ ဆည်းပူးနိုင်ကြပြီး၊ လောကီအကျိုး၊ လောကုတ္တရာအကျိုး နှစ်ဖြာစလုံး ပြည့်စုံကြပါစေ။ ဤမေတ္တာပို့ကုသိုလ်အစုစုကို သတ္တဝါအပေါင်းတို့အား အမျှပေးဝေပါ၏။ အားလုံး အေးချမ်းသာယာ၍ ဘေးရန်ကင်းဝေးကာ စိတ်ချမ်းသာ၊ ကိုယ်ကျန်းမာပြီး ကောင်းကျိုးလိုရာဆန္ဒများ ပြည့်ဝကြပါစေ။ "သတ္တဝါအပေါင်း ဘေးရန်ကင်းကွာ၊ ကိုယ်စိတ်နှစ်ဖြာ ကျန်းမာချမ်းသာကြပါစေ။" 🙏