Մարդիկ Արցախում ապրում էին, պատանդ չէի՛ն…

Արդեն գրեթե 3 տարի է, ինչ 24News-ի «Մարդիկ Արցախից» հաղորդման շրջանակում արցախցիները պատմում են իրենց անցած ճանապարհի մասին: Պատմում են, թե ինչպես են ստիպված լքել իրենց տները, ինչպես են կորցրել իրենց հայրերին, որդիներին ու եղբայրներին, ինչպես են մորթվել կանայք ու երեխաներ, ինչպես են մինչև հիմա անհայտ մնում տղաները, ինչպես էր երկնքից շանթ ու կրակ թափվում, ինչպես էին երեխաները սովից ու գաղթի ճանապարհից հետո հայտնվում հիվանդանոցներում, ինչպես են մնացել առանց Արցախի։ Ասում են թե արցախցիները չեն զոհվել, չեն կռվել, մարտի դաշտում չեն էլ եղել, ասում են ու հավելում, թե ինչու եք ողջ մնացել։ Գիտե՞ք, որ անմահացած տղաների մայրերի աչքերը դեռ արցունքներից չեն չորացել, ոմանք նույնիսկ չգիտեն, թե որտեղ են իրենց որդիները, իսկ դուստրերը երանի են տալիս, որ գոնե մեկ անգամ հայրիկի շիրիմին այցի գնան, նրանցից շատ ու շատերն անգամ ծաղիկ դնելու տեղ չունեն։ 2022թ. դեկտեմբերի 12-ին փակվեց Արցախի կյանքի ճանապարհը, անկախ ստեղծված իրավիճակից` Արցախցիները շարունակում էին ապրել, արարել, նոր սերունդներ տալ Արցախի հողում. փայտի փոշուց հաց են սարքել, քարից աղ քամել, սիսեռով սուրճ պատրաստել, գիշերն անցկացրել հացի հերթերում, իսկ առավոտյան երեխաներին դպրոց ու համալսարան ճանապարհել: Տոտալ բլոկադային հաջորդեց 2023-ի սեպտեմբերի 19-ի պատերազմը, 9 ամիս անց սոված ու հյուծված զինվորը մինչև վերջին շունչը կռիվ է տվել անհավասար մարտում, նրանցից հարյուրավորներն անմահացել են, չիմանալով, որ Արցախը պիտի հայաթափվի։ Այսքանով չավարտվեցին արցախցու ծանր ու դաժան օրերը, 2023-ի սեպտեմբերի 25-ին Ստեփանակերտի վառելիք պահեստի պայթյունը մի նոր փորձություն էր, ականատեսները ասում են, որ իսկական դժոխք էր, երկնքից կրակ էր թափվում, իսկ կրակից փրկվողներ գրեթե չկային, նրանց ում խնայեց փամփուշտը, չխնայեց կրակը: Արցախցիների անցած ճանապարհի ու ապրումների մասին հուշերը ամփոփել է հաղորդման հեղինակը։ Մանրամասները՝ տեսանյութում։ Մարիաննա Բաղունց #24News ՄարիաննաԲաղունց Հետևի’ր 24News-ին այլ սոցցանցերում   / 24news.am     / 24newsarmenia     / 24news.am   https://t.me/twentyfournews © 2024 24News. Բոլոր իրավունքները պաշտպանված են: 24TV-ում տեղադրված նյութերն օգտագործելիս ակտիվ հղում տալը պարտադիր է: Կայքում տեղադրված այլ հեղինակների և բանախոսների արտահայտած կարծիքը կարող է չհամընկնել 24TV-ի խմբագրության տեսակետի հետ: Address: Dzorap 40, Office Area 23. E-mail: [email protected] Tel. +374 41 240060 Գովազդի համար զանգահարել +374 41 240060 #24News #24TV #Լուրեր