الفيلو فوبيا !! حتي ده بقيتو بتخافو تقعو فيه ؟؟

الفيلو فوبيا ( فوبيا الحب ) موضوع مختلف شويه موضوع قبل الجواز البنات والشباب اللي بيخافو من خطوه الارتباط والجواز نفسها رهاب الحب ده نوع من انواع الخوف والقلق الاجتماع ي في اسباب كتيره جداا بس السبب الرئيسي هو الخوف والخوف مشاعر كلنا بنحس بيها وله تلت انواع 1/ الخوف المبرر : خوف عشان في سبب انا خايف ادخل فعلاقه عشان انا شوفت تجربه ما قفلتني من الفكره 2/ خوف غير مبرر : انا حد حكيلي قصه فانا خدت موقف من غير داعي مفيش اسباب ملموسه تمنعني من ده 3/ خوف النقله : داخل علي حاجه جديده فحياتي , خايف اجازف داخل علي شي غامض برا منطقه الراحه بتاعتي اللي نا متعود ىعليها مثلا لو هتشتغل فححاجه لاول مره هتحس بحبه خوف بس مش هيوقفك فلازم نبقي محددين احنا خايفين من اي نوع من التلت انواع دول تعالو نشوف مع بعض علامات واسباب فوبيا الحب ليه بنخاف اننا نرتبط وندخل فعلاقه ونشارك مشاعرنا وعواطفنا مع حد او نسمح لحد يقرب مننا 1/ مش قادرين نتخلص من الماضي : كنت فعلاقه سابقه خطوبه او جواز وانفصلت وخدت صدمه عمرك فيها فانت حاصر نفسك جواها مش قادر تخرج منها ومش قادر تنسي الالم اللي اتعرضتله وتبدا حياه جديده وترتبط بحد وتثق فيه من تاني 2/ معندكش القدره علي اظاهر مشاعرك وانك تعبر عنها فبتحتفظ بيها جواك وبرده في ناس عندها القدره بس بتدفنها جواها وتفضل انها متصرحش بيها عشان خايفه اللي قدامها يستخدمها ضده وتبقي نقطه ضعف له وده مش صح انت لو اختارت صح حبك عمره ميكون نقطه ضعف ليك 3/ انعدام الثقه مريت بتجارب كتير وحشه كرهتك فالحبوالجواز والارتباط اتعقدت ومن كتر مهما نتايجهم كلهم سلبيه انت خلاص مخك رفض الفكره واقتنع انه لا مش داخل فحاجه تاني توبت الي الله 4/ في بقي نوعيه من الناس مبتسمحش لمشاعرها تتحكم فيها شايفين ان الحب ضعف فبيعندو مع مشاعرهم وقلبهم وبيصدوها 5/ البعض بيقدر الحياه الفرديه مكتفي بنفسه ومستكنيص حاطط نفسه فمنطقه save zone انا كده فامان وزي الفل مسستم حياته مش حابب حد يجي يلغبطله السيستم ده ومعندوش مرونه انه يتغير ولا يتكيف مع عادات حد ويغير من عاداته انا مبحبش افطر اتجوز بقي واحد يقولي الفطار فين لا وعلي اي 6/ في بقي حد زي الاستاذ سمير ابو النيل يقولك ( احمد مكي اتجوز ليه واصرف علي واحده مش قرابتي اساسا ) 7/ في بقي نوعيه سيد ( ماجد الكيدواني : بباااس انا اروح عند امي لا حد يقولي اشتغل ولا متشتغلش ) ده عايز يريح دماغه وميتحملش مسؤليه لا ارتباط ولا جواز شايف ان الحب ده وجع دماغ انا فغني عنه قصاد انه يبقي تنبل عايش بلا هدف 8/ في ناس بالفعل بتتجوز بس مبتحبش بيبصو للجانب المادي فقط من العلاقه ومعندهمش لا عاطفه ولا حب اتكلمنا عن اسبابه تعاله نشوف اعراضه اي عالاشخاص اللي عندهم فيلو فوبيا في عندنا اعراض نفسيه واعراض جسديه الاعراض النفسيه : دي بيكون الشخص متوتر ومنفعل وعصبثي وقلوق بزياده اووي بيبعد عن اي حاجه تخص الجواز مبيحبش يروح مناسبات ولا يعتب قاعات الافراح ولو حد جابله سيره الجواز والارتباط والحب ممكن يبلعه ويتنرفز ويتعصب ولو شاف قدامه كابلز جوز عصافير كناريه بيحبو بعض بيشمئز منهم ويبصلهم بقرف طب الاعراض الجسديه : ده لو فكر بس دخول فعلاقه تلاقي غثيان وممكن عياط وواضطرابات فالمعده وخصوصا مرضي الكولون بقي وضربات القلب سريعه طب الحل فالموضوع ده اي مشكلتنا اننا لما بنرتبط بحد بحط توقعات للشخص ده انه لازم يتصرف بالشكل ده يتعامل معايا بالطريقه دي ويقولي الكلام ده مبديلوش الفرصه انه يسيبلي نفسه واتعرف انا علي طبيعته عشان اقدر احبه بعد كده لا انا هصدر احكام له انه يمشي زي منا راسمه فخيالي والا نلعن الحب والارتباط فمن البدايه نقلل سقف طموحاتنا اللي هينزل فوق نفوخنا قريب ده ونتعرف وبعد كده الحب هيجي منسمعش من حد ولا نعمم تجارب اللي حوالينا ونطبقها علي نفسنا لازم نفصل نفسنا عنهم نا عمري محكم علي حياتي بالفشل واكره حاجه مجربتهاش لمجرد ان غيري فشل فيها ده غبااء نفرق ما بين الحقيقه والتوقعات : انا ممكن يكون جوايا وسواس متمسش الواقع وفي خوزعبلات فدماغي ملهاش اي صحه من الاساس لكن لو لو في سبب مقنع انت اه معاك حق وفي مشكله نعالجها لكن ابني جوايا حاجز عشان توقعات انا اللي حااططها اسال نفسك ليه ؟؟؟؟؟ لازم يبقي في سبب قوي ورا كل حاجه بنعملها ونرد بيها علي كلمه ليه لقيت رد يبقي ده المحفز اللي هيخليك تعمل ده وتدخل وتجرب وتعيش حياتك صح