“Pronari kërkonte që 17-vjeçari të dënohej për vjedhje”, avokatja: Ai punoi roje parkingu 6 muaj

Avokatja Drita Avdyli shpjegon nga ana juridike rastin e ditës që po diskutohet në “Aldo Morning Show” në Tv Klan. Nëse një 14-vjeçar vjedh, roja i objektit e ndjek dhe djaloshi pëson aksident ku humb këmbët, a ka faj roja? Sipas avokates, për veprën penale të të miturit ka instanca përkatëse, ndërsa roja duhet të lajmërojë autoritetet. Drita Avdyli: Roja ka për detyrë, në përshkrimin e tij të punës, që të ruajë objektin dhe të marrë masa, por jo ta gjëmojë me vrap. Aldo: Opa. Drita Avdyli: Ai nuk është as atlet, as asgjë sepse këto janë pasojat nga vepra e parë. Pra, ai ruan objektin, duhet të marrë masa që brenda territorit të tij, ai s’ka punë ta ndjekë në rrugë pastaj sepse ndodh vepra e dytë penale. Aldo: Me pak fjalë, nuk qenka kaq e thjeshtë sa ç’ menduam ne. Drita Avdyli: Jo, absolutisht. Biles pastaj tek aksidenti futen shumë aktorë pastaj, futen dhe personi që ka kryer aksidentin, por edhe kompania e sigurimit që do kompensojë për shërbimin e djalit. Avokatja sqaron se edhe nëse do duhej të mbrohej roja ligjërisht, do merreshin në konsideratë deklaratat e tij, kamerat e sigurisë etj. Ajo shton se mund të gjendet një rrugë e mesme që të sjellë përfitim për të dyja palët. Drita Avdyli: Unë kam pasur një rast në Durrës, në gjimnaz, që një i ri te gjimnazi “Naim Frashëri”, vodhi te një biznes, te një supermarket. Në fakt, ky pronari i supermarketit, ngulte këmbë që ky i riu 17-vjeçar të dënohej. Çfarë fiton ky pronari nëse ky i riu dënohet? Aldo: I del e keqja. Drita Avdyli: Ndërsa nëse ne palët i thërrasim në ndërmjetësim, u arrit një marrëveshje që ky i ri punoi roje te parkingu 6 muaj, kështu që të gjithë palët në këtë rast fitojnë. #AldoMorningShow Emision mëngjesi nga #AldonLipe në #TvKlan.{ #albanacaushaj #megilatifi #dritaavdyli SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/