بارقن جتنا هبوبه وهو ماهو قريب

#بارقن جتنا هبوبه وهو ماهو قريب #كلمات_الشاعر_حامد_محمد_ابوقرشين #اداء_المنشد_قينان_العاطفي #الكلمات: بارقن جتنا هبوبه وهو مهو قريب في بحر ياقوس من جاي والا من وراه جعل نوه في سماه ينحبس ولا يجيب يبرق وياخذ خريفين ما دندن في سماه مثل مهو عاقني عوق ثاني ما يطيب ليتني صديت قدام لا اخيل سناه تل قلبي تل دلو ضرب قاع القليب والقليب شحاح واللي يتله ما ملاه لو صبرت الصبر يمكن يثيب او لا يثيب وان شكيت اكبر قضيه اتناكرها الرواه والخوافي تنكشف للبعيد و للقريب والفضيحه تطرح الرجل من عين الدهاه لا تودوني منازيل شيخ ولا طبيب الدواء ماجود لكن راعيه احتماه احذفوني في الغماره وسيرو بي مغيب وابعدوني عن جميع الحضاره والرعاه حدروني عن شعيب وتعلّوو بي شعيب لين ينقطع عني الرود من كل اتجاه في مهاوي لا عريبٍ ولا صوتن قريب واتركوني يمكن ارتاح واعيش الحياه ي وجودي وجد من طاح في دمه صويب من يمين اللي خذا الرقم الاول في الرماه حالي اللي مثل حاله وهو يمكن يطيب الجروح تخاطب السلك والدم اشتراه من عسيفن حط بالنار ف قلبي صليب جوده بالوسم ثاني محد يوسم وراه ان طلبته شي قال السموحه ي غريب وان سكت اقبل عليه وتبسم من ظقصاه كل ما اديره على علم عيا يستجيب راح من عمري ثمانين ليله في رجاه يطرح اللثمه على الوجه ويفل السبيب ويتهصر بالمراكيب في عين اولياه ان وقف خلا جميع العذارى في لهيب وان وقف فيه ارتفاعه وفي صدره علاه كل ما يرميه قناص عيا لا يصيب وان تخلا عنه يومين يومي يغزاه