اهداء إلى الشيخ فهد بن فلاح بن حثلين كلمات شاعر العرب سلطان بن وسام اداء العذب

🔶جديد 🔶 شيله اهداء إلى الشيخ فهد بن فلاح بن حثلين كلمات شاعر العرب سلطان بن وسام اداء المنشد خالد المري ( #العذب ) سلام يامن له التاريخ يضرب سلام ويصب له دلته لادار فنجالها تاريخ يستاهل التقدير والاحترام تدور الايام والدنيا على حالها اللي نصيبه من الامجاد ذروة سنام يقلط مقاليط روس القوم وابطالها الارض ما تثبت الا بالجبال العظام العز في روسها والخير في ظلالها تاريخ راكان بن حثلين نقطة نظام يرماله البشت والبسام وعقالها وفهد حفيد الامير اللي عليه الكلام زيزوم يامٍ وفارسها وخيالها اسمه واسم جده اسما مجد واسما مقام خضع لها منكب التاريخ واشتالها يوم انها كانت بشلفا وسلة حسام والي براسه شجاعه يطلق حبالها والخيل مثل البروق الي تشق الظلام على دنين الرمي تلافح اذيالها الفارس اللي يوطيها الرمي مايلام الموت قدامها والعز يبرالها خيلً تورد على الجمه وخيلٍ حيام وخيول اخو بينه تارد على جالها حتى هل الترك علمهم بزرق السهام لاوما على سرجها بالسيف واومالها واليوم هذا حفيده مرتكي للمهام الكايده تنثني له ما تنثالها في رياسته كل شي ماشي على مايرام ما تصعب العقده اللي عند حلالها احييت موروثنا واعطيته الاهتمام الي توصيبه الشيبان لعيالها البل عطايا الله الجزله جلال العظام بجهودك اللي بذلت اعليت منزالها صارت حديث الملا والناس شرق وشام حتى الخواجات من بعدك تعنالها لله در الخوال معنزين الهمام اللي تسولف به الدنيا على فالها الا وخال الزعيم اللي يدوس الظلام دايم ليا قال كلمه من فمه طالها الفرس والترك خلاهم حمامة سلام وحطم منابر اعداه وخيب امالها وطى خشوم منول كان فيها اعرام صنع مرضها وشوكتها وسلالها العام كانت توقت ساعة الاقتحام واليوم شف حالنا وينه وشف حالها مهندس الرؤية اللي نظرته للامام واكبر دليل العلا ونيوم وامثالها عينه تخلي اسود الغاب مثل النعام ويمناه يدعابها دايم ويدعى لها اذا زعل حوّل عروش الاكابر حطام واذا رضى غنت الدنيا بموالها والله ماندري يديه يدين ولا غمام على مدار الفصول يصب همالها شعوب ماكانت تحصل شراب و طعام تقول ربي خلقه يحقق امالها ابحرت في محمد وخاله وزان الكلام و طالت وانا كان ماودي بطوالها لكن شاعر ومتهيض علي الحرام حتى صناديق فكري فكت اقفالها واقبل سلامي يا اخو بينّه ومسك الختام تستاهل اللي تبيّض وجه من قالها