المتنمرين دول مكانوش يتوقعوا ان الي بيتنمرو عليها دي تبقي الملكه

(ميا ثيرموبليس) بنت خجولة عندها 15 سنة، كانت عايشة مع أمها الرسامة في بيت في سان فرانسيسكو، كانت عندها حرج اجتماعي ومبتعرفش تكوّن صداقات بسهولة، عشان كده كانت دايمًا زميلتها (لانا توماس) بتتنمّر عليها، صديقة (ميا) المفضلة كان اسمها (لِليِ ماسكوفيتس)، وكانت شخصياتهم شبه بعض، (ميا) كانت معجبة بولد معروف في المدرسة اسمه (جوش بريانت) اللي كان مرتبط بـ(لانا)، كانت دايمًا بتشوفهم مع بعض وبتتخيل نفسها مكان (لانا)، وفي يوم (ميا) كانت في مسابقة مناظرات وكان بتتناظر ضد (جوش)، (جوش) كان قادر يخلّي كل اللي في الفصل يشجّعه في المناظرة بسبب آراؤه الجريئة وثقته في نفسه، بس لما جيه الدور على (ميا) ابتدت تتلجلج في الكلام والفصل كله ضحك عليها، (ميا) حسّت بالإهانة وجريت لما لقت كل الناس بيضحكوا عليها، بعد المدرسة، أمها قالتلها إن جدتها لأبوها جت من (جينوفيا) لـ(سان فرانسيسكو) وكانت عايزة تشوف (ميا)، (ميا) مكانتش عارفة هي ليه كانت عايزة تشوفها فجأة، لأنها قبل كده مكانتش مهتمة تتصل بيهم، تاني يوم بعد المدرسة، بتروح لعنوان جدتها وبتلاقي نفسها قدام قصر كبير، كبير الخدم بيرحّب بيها وبيوصّلها لجدتها (كلاريس رينالدي). (ميا) بعدها بتعرف إن جدتها هي ملكة المملكة الأوروبية (جينوفيا)، وإنها طلبت تقابل (ميا) عشان تقول لها إن أبوها كان ولي عهد (جينوفيا) ونتيجة لوفاته، (ميا) دلوقتي هتبقى هي ولية العهد في (جينوفيا)، في الأول (ميا) كانت مفكرة إن جدتها بتهزر، بس بعد ما عالجت الأمور في دماغها اكتشفت إنها فعلًا أميرة، وإنها مسئولة دلوقتي عن مملكة كاملة، الملكة بتقول لها إنها لازم تنتقل لـ(جينوفيا) وإنها لازم تغير من نفسها وتبقى شخصية مختلفة تمامًا ملخص فيلم : the princess diaries 2001 لو عجبك الفيلم متنساش تدعمنا بلايك وتشترك في القناه وتقولنا رايك في الفيلم في الكومنتات