تبلیغی اکابر مولانا احمد لاٹ اور مولانا ابراہیم دیولہ کی مفتی تقی عثمانی سے ملاقات کی اندرونی کہانی

سالانہ رائیونڈ تبلیغی اجتماع 2024 میں شرکت کے لیے بھارت کے علما کی پاکستان آمد، پاکستان آمد پر اجتماع سے پہلے کراچی مختلف دینی مدارس کا دورہ، مولانا احمد لاٹ صاحب اور مولانا ابراہیم دیولہ صاحب کی شیخ الاسلام حضرت مفتی تقی عثمانی صاحب سے خصوصی ملاقات تفصیلات کے مطابق سالانہ رائیونڈ تبلیغی اجتماع 2024 میں شرکت کے لیے تبلیغی جماعت کے بزرگ آج کراچی اترے، جہاں تبلیغی اکابر نے شیخ الاسلام حضرت مولانا مفتی محمد تقی عثمانی صاحب سے خصوصی ملاقات کی ہے اس ملاقات کے اندرونی احوال سے متعلق مولانا عبیدالرحمان ربانی صاحب لکھتے ہیں: آج 29 اکتوبر 2024ء بروز منگل نماز ظہر کے بعد ہندوستان سےتشریف لائے تبلیغی جماعت کے امراء مولانا احمد لاٹ صاحب اور مولانا ابراہیم دیولہ صاحب دامت برکاتہم بمع اپنے رفقاء، اور جامعة الرشید کے مہتمم مولانا عبدالرحیم صاحب اور مفتی محمد صاحب دامت برکاتہم، استاذ محترم شیخ الاسلام حضرت مفتی محمد تقی عثمانی صاحب دامت برکاتہم کے دفتر میں جمع ہوئے،دعا سلام کے بعد مہمانان گرامی کا حضرت شیخ الاسلام مفتی محمد تقی عثمانی صاحب کو تعارف کروایا گیا۔اس موقع پر مولانا احمد لاٹ صاحب نے کلام شروع کرتے ہوئے کہا کہ بڑوں کا قول ہے جب علماء کی زیارت کو جاؤ تو عبادت کا اعتقاد رکھو، ( علماء کی زیارت بھی عبادت ہے) پھر مولانا احمد لاٹ صاحب نے مفتی محمد تقی عثمانی صاحب کو عطر کا ہدیہ پیش کیا، جس پر حضرت مفتی صاحب نے مسکراتے ہوئے فرمایا کہ ان سے مجھے ہر مرتبہ عطر کا ہدیہ ملتا ہے اب تو مجھے اسراف فی النفس معلوم ہوتا ہے، جس پر حاضرینِ مجلس خوب مسکرائے، پھر مولانا احمد لاٹ صاحب نے ایک سوال کیا کہ حضرت دو سال کی پیشگی زکات پر آپ کیا فرماتے ہیں؟ تو مولانا مفتی محمد تقی عثمانی صاحب نے فرمایا کہ ادا ہوجاتی ہے، اس پر مولانا احمد لاٹ صاحب نے جھٹ سے جیب سے عطر کا ایک ہدیہ اور نکال کر پیش کردیا، جس پر مفتی محمد تقی عثمانی صاحب ہنسے اور فرمایا بھائی یہ بات تو زکات کے بارے میں ہے اور یہ تو ہدیہ ہے، حضرات کے مابین ہونے والی اس دل لگی کو دیکھ کر حاضرینِ مجلس خوب محظوظ ہوئے، حضرت شیخ الاسلام صاحب مفتی محمد تقی عثمانی صاحب دامت برکاتہم نے دوران گفتگو تبلیغی جماعت کے اکابرین کو مخاطب کر کے فرمایا کہ آج کل مجھ پر کچھ غلبہ حال بھی ہے اور بہت بار محسوس بھی ہوتا ہے کہ غ/ز/ہ اور ف ل س/ط/ی ن کے مسلمانوں پر آج جس قدر ظ/ل/م و س/تم ہو رہا ہے ہر مسلمان با خبر ہے، مفتی تقی عثمانی صاحب نے کہا کہ تبلیغی جماعت کے اتنے بڑے اجتماعات ہوتے ہیں جس میں دعا کے لئے ہزاروں لاکھوں لوگ جمع ہوتے ہیں،لیکن مجھے یہ بات انتہائی تکلیف دیتی ہے کہ ان اجتماعات اور ان کی دعاؤں میں ف/ل/س/طین کے م/جاہ/دین اور مظ//لوموں کے لئے نام لے کر دعا نہیں کی جاتی، یہ بات مجھے کھولتی ہے، کیا ان م//ظل//وموں کے لئے کوئی اکرام نہیں؟ کیا ان مجا//ہ//دین اور م//ظل//ومین کا ہم پر کوئی حق نہیں؟ مولانا عبیدالرحمان ربانی راوی ہیں کہ حضرت مفتی تقی عثمانی صاحب نے تقریبًا چھل//کتی آنکھوں سے فرمایا کہ یہ میری درخواست ہے مجھے اس پر کوئی جواب نہیں چاہیے، مفتی تقی عثمانی صاحب کی اس جلـالی کیفیت کو دیکھ کر حاضرینِ مجلس پر ایک دم سکوت طاری ہو گیا۔ بعد ازاں مولانا ابراہیم دیولہ صاحب دامت برکاتہم کی درخواست پر شیخ الاسلام مفتی محمد تقی عثمانی صاحب دامت برکاتہم نے دعا فرمائی اور دعا کے ساتھ ہی یہ مبارک مجلس برخاست ہو گئی۔محترم ناظرین و سامعین آپ کو بتاتے چلیں کہ اس ملاقات سے پہلے تبلیغی جماعت کے بزرگوں کی جامعہ علوم اسلامیہ علامہ بنوری ٹاؤن کراچی بھی آمد ہوئی ہے۔جامعہ علوم اسلامیہ علامہ بنوری ٹاؤن کراچی میں مدرسہ کے طلباء سے مولانا ابراہیم دیولہ صاحب نے علم کی اہمیت، غایتِ علم اور علم کے تقاضوں، اطاعت اللہ و اطاعت رسول ﷺ پر انتہائی پر مغز بیان فرمایا اور بخاری شریف کی آخری حدیث پڑھوا کر اپنے شیخ حضرت مولانا سید حسین احمد مدنی رحمۃ اللہ علیہ کی اتباع میں کھڑے ہو کر اجازت حدیث بھی عنایت فرمائی۔ ہماری دعا ہے کہ اللہ تعالیٰ ان بزرگوں کا سایہ شفقت تادیر امت مسلمہ پر قائم و دائم رکھے۔آمین ‪@alzujajahtvofficial‬