Tamanna Hai ke gulzar-e-madina (Naat) تمنا ہے کہ گلزار مدینہ اب وطن ہوتا (نعت پاک)

تمنا ہے کہ گلزارِ مدینہ اب وطن ہوتا وہاں کے گلشنوں میں کوئی اپنا بھی چمن ہوتا بسر اب زندگی اپنی دیارِ قدس میں ہوتی وہیں مرتا وہیں جیتا وہیں گور و کفن ہوتا میسر بال و پر ہوتے تو میں اڑ کر پہنچ جاتا زہے قسمت کہ اپنا آشیاں ان کا چمن ہوتا مقدّر سے رسائی ان کے در تک کاش ہوجاتی متاعِ جاں نثارِ روضۂ شاہِ زمن ہوتا سبھی کچھ ہے مگر جب وہ نہیں تو کچھ نہیں حاصل جہاں میں ہوں وہیں اے کاش وہ جلوہ فگن ہوتا خدا شاہد کہ ہم سارے جہاں پر حکمراں ہوتے رسولِ پاک کی سنّت اگر اپنا چلن ہوتا تمنا ہے کہ کٹتی عمر اُن کے آشیانے پر عنایت جلوہ گر ہوتی کرم سایہ فگن ہوتا خوشا قسمت کہ ہوتا کوچہ محبوب میں مسکن انہیں کی راہ میں قربان اپنا جان و تن ہوتا یہی ہے آرزو ثاقبؔ یہی اپنی تمنا ہے کہ پیوند ِ بقیع پاک اپنا بھی بدن ہوتا