بلتی قصیدہ || شان امام حسین ع || قصیدہ خوان جواہر بھٹو | کلام نادم شگری |#manqabat #qasida

بلتی قصیدہ || شان امام حسین ع || قصیدہ خوان جواہر بھٹو | کلام نادم شگری |#manqabat #qasida حغی رہبر پو حسین ان لائرک:::- بوس لے ستروغی بلبل ! رگہ لوکھی ژھر پو حسین ؑ اِن زہرائی ؑ ژھری سرو و صنوبر پو حسین ؑاِن میولینگ نورو پھیل چوکپہ لا کلفی اشی پاسی پیغمبری ؐ کوثر پو لا کوثر پو حسین ؑ اِن ژھیمبوینگ نو فرشتونی سی ریس بین کھورے کھورفو دوکفو سنہ نو فچوین دوش پیمبرؐ پو حسین ؑاِن کھوم لوکھسی نیو، لم ژھونی عود، شیس لوکھی ڑگیمژھو ڑگیمژھو نیسی تھوینگ نا تھوبی گوہر پو حسین ؑاِن ہمبونی ری گو، کھیود لوکھی خنم، شزدیونی چھرفہ ختور کھن حغی فیا انجم و اختر پو حسین ؑاِن مُحرِم لا منیٰ، رکن و مقام، مروہ، صفا پو مسعیٰ نہ مطاف، کیعبہ نہ مشعر پو حسین ؑاِن یاجوجی ہرمغی دون لا رگہ کھن کن کھیدے کھڑانگفی زل گوقپہ می گوے سدِّ سکندر پو حسین ؑاِن شامی ستونی زبوک پو بولوکھی بڑنگ بورے زگقسے اسلامی ژھرینگ اونگفی رگنوے غبیر پو حسین ؑاِن ننگ کھنگمہ لا عود چھد نہ سا لم پو حغی سنگ بیا عود بدون فچو نہ نیس سپرفی دے عود سپر پو حسین ؑاِن نیزی کھہ اَنَا الحق زیرے رگو مید پی دے سر پوس میول گنگ پو لا ژھور چوکس حغی رہبر پو حسین ؑاِن عباسی ؑہشوش، اکبری ؑزوخ، اصغری ؑزوم پو سجادی ؑ گوپو، زینبی ؑ چادر پو حسین ؑاِن نادم نلا دنیائی کھہ سا سنینگ دوگی ننگ پو محشر لا بہشتنگ سا غدیانگی کھر پو حسین ؑاِن ﴿بدھ ۶ شعبان المعظم 1443ھ قم﴾