Seanca gjyqësore për bandën e Aldo Bares, akuza të forta ndërmjet të akuzuarve-(2 Qershor 2006)

Lajme Arkiva 2006 Në seancën e radhës për bandën e Aldo Bares, ish-të fortët e grupit të Lushnjës, kanë akuzuar njëri-tjetrin në mese një orë kohë për vrasjen e oficerit të policisë, Klenti Bano. Ndërsa në dëshminë e mëparshme të të penduarit, Petrit Liçi, denoncoheshin për këtë ekzekutim të pandehurit e tjerë. Dritan Dila ka akuzuar brenda të njëjtit kafaz Petrit Liçin. “Nuk jam unë vrasësi as bashkëpunëtori. Prokuroria dhe organi i akuzës e dinë shumë mirë se kush është dhe vrasësi dhe organizatori dhe super organizuesi do ta vlerësojë organi i akuzës. Unë nuk jam. I kërkoj ndjesë familjes së të ndjerit Klenti dhe ta heqin dyshimin se jam unë ai personi që mund të mendojë gjatë këtyre seancave gjyqësore”. “I gjithë ky proces është ngritur vetëm mbi thashethemet e Petrit Liçit, të cilat nuk bazohen në asnjë provë, në asnjë fakt dhe nuk e di ai kodi i procedurës me organin e akuzës a është njësoj? Pse s’pyesni avokatin e tij? Sepse Kodi Penal kërkon prova e fakte. S’po shohim asnjë provë, asnjë fakt.” “Edhe ky person këtu, ky e ka bërë vrasjen. E ka deklaruar vetë në dhomat e paraburgimit.” Tensionet dhe përplasjet mes të pandehurve dhe të penduarit janë bërë të dukshme në procesin gjyqësor kryesisht pas arrestimit të Alfred Shkurtit, ose ashtu si ai njihet, Aldo Bare./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/