İsmayıllı rayon Qubaxəlilli kəndində Şəhidlərimizin abidə komplexsinin açılışı 28.09.2021

İsmayıllı rayonunun Qubaxəlilli kəndində şəhidlərin xatirəsinə inşa edilən abidə kompleksinin açılışı olub İsmayıllı rayonunun Qubaxəlilli kəndində Azərbaycanın müstəqilliyi və ərazi bütövlüyü uğrunda mübarizədə canlarından keçən Vətən övladlarının xatirəsinə inşa edilən abidə kompleksinin açılışı olub. Açılış mərasimində Rayon İcra Hakimiyyətinin başçısı, RİH-in məsul əməkdaşları, hüquq-mühafizə orqanlarının rəhbərləri, şəhid ailələri, hərbçilər və müharibə iştirakçıları, müəssisə və təşkilatlar, ictimaiyyət nümayəndələri, şəhidlərin yaxınları iştirak ediblər. Pandemiya qaydalarına uyğun təşkil olunan tədbirdə ilk olaraq dövlət himni səsləndirilib, sonra vətənimizin bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib. Abidə kompleksinin önünə əklillər və gül dəstələri düzülüb. Tədbirdə çıxış edən Rayon İcra Hakimiyyətinin başçısı 44 günlük Vətən müharibəsində şanlı qələbə qazanan Azərbaycan Ordusunun şəhidlərin qanını yerdə qoymadığını, Müzəffər Ali Baş Komandan İlham Əliyevin rəhbərliyi ilə torpaqlarımızın işğaldan azad edildiyini və qazanılan Böyük Qələbədə Qubaxəlillidən olan şəhidlərin də rolunun olduğu vurğulanıb. Rayon rəhbəri abidənin inşasında əməyi keçən hər kəsə təşəkkürünü bildirib. Çıxış edənlər Azərbaycan ordusunun qüdrətindən, hərbiçilərimizin döyüşlərdə göstərdikləri qəhrəmanlıqlardan, xalqla ordunun birliyindən bəhs ediblər. Həmçinin qeyd edilib ki, Şanlı Zəfər tarixini yazan Vətən oğulları bütün Azərbaycan xalqının hər zaman qəlbində yaşayacaq. Şəhid ailələri göstərilən diqqət və qayğıya görə Azərbaycan Respublikasının Prezidenti İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər. Tədbirdə S.Həsənov adına Qubaxəlilli kənd tam orta məktəbin şagirdlərinin ifasında Vətənə, ordumuza, şəhidlərimizə həsr olunan şeirlər səsləndirilib. ---- DİQQƏT! Kopyalamaq qəti qadağandır! CəMiL XaLiDoĞLu Kanalında yayımlanan videoların digər kanallarda yayımlanması qadağandır. Kanalın müəllif hüquqları © Digital Silk Road şirkəti tərəfindən qorunur. ------- © Cəmil Xalidoğlu 2021 -------- #cemilxalidoglu #azərbaycan #ismayilli #qubaxəlilli #abidə #cemil_xalidoglu #cəmilxalidoğlu