СҮЙҮҮНҮН КӨЗҮ СОКУР... 1-БӨЛҮМ: КЕЛИН БОЛУП ТҮШКӨН КҮН

Ал мезгилде 1980- жылдардын аягы болуп калган эле.....Климаттык шарты катаал келген, алыскы райондогу , тоо койнунда жайгашкан кичинекей айылда болгон окуя баяндалат... Күздүн акыркы айлары болчу ..Бир үйдө жакшылык болсо, ар бир үйдө майрам болгондой кубанышып, бала- чакысынан бери топурап чогулушуп, кубаныч менен тосуп алышаар эле... Ошондой мезгилде Он тогуз жаштагы Гүлзат ак жоолук салынып, келин болуп түшүп жаткан. Тойго келгендердин жаштары жарыша чуркап, келиндери каралашып, кызмат кылып, Аксакалдары алакан жайып, — Бактылуу болгула! Көшөгөңөр көгөрсүн! — деп батасын берип жатышты.Гүлзаттын Күйөөсү Таалай айылдагылардын жакшы деген сөзүнө илинген , эң тың жигиттердин бири болчу.Бала күндөн эле техникага кызыгып, чоңдордун ишине аралашып жүрүп, акыры тандаган кесиби Механизатор болуп иштеп калган...