සියළු දානයන් අභිබවනය කරන එකම දානයක් වෙනවා නම් ඒ වෙන කිසිවෙක් නෙමෙයි ධර්ම දානය බව

Ven Koralayagama Saranathissa Thero - The Buddhist TV 2026-04-18 Maha Manga Sutta Explanation - Part 22 පූජ්‍යපාද කෝරළයාගම සරණතිස්ස ස්වාමීන්ද්‍රයන් වහන්සේ බෞද්ධයා රූපවාහිනී නාළිකාව 2026-04-18 උතුම් වූ මංගල සූත්‍ර දේශණාව - 22 කොටස අද අපි සාකච්ජා කරමු මංගල සූත්‍රයේ සඳහන් 05 වෙනි ගාථා රතනය "දානං ච ධම්ම චරියා ච - ඤාතකානං ච සංගහෝ අනවජ්ජානි කම්මානි - ඒතං මංගල මුත්තමං" අද අපි දානය ගැන කතා කරමු මේ ලෝකයේ කොච්චර දාන තියනවා කිව්වොත් එය මෙතරම් මෙපමණයි කියල අපිට විස්තර කරලා ඉවර කරන්න බැහැ සියළු දානයන් අභිබවනය කරන එකම දානයක් වෙනවා නම් ඒ වෙන කිසිවෙක් නෙමෙයි ධර්ම දානය කියල බුදුරජාණන් වහන්සේම වදාළ සේක දානය කියන කාරණාව තුල අපිට සකල අවබෝධයන් අපිට නැහැ නේද. මේ දන් දෙනවා කියල කිව්වම කෙනෙක් කල්පනා කරන්නේ මේ ආහාර පාන දන් දෙනවා කියන එක. නමුත් මේ ගාථා රතනයේ සඳහන් වෙන දානය කියන කොට එය ආහාර පාන විතරක් නෙමෙයි සඳහන් වෙන්නේ. මල් පූජා කිරීම දානයක්, සුවඳ පූජාව කියන්නේ දානයක්... දානය දෙන්න කාටද දානය දෙන්නේ කොහාටද ? මානාවූ සීලාධී ගුණ දරණ උතුමන්ට දන් දෙන්න පුළුවන් ඒ දානය මහත් ඵලයි දන් දෙන පුද්ගලයා මේ ලෝකයේ කීර්තියට පත් වෙනවා දන් දීම තුලින් ප්‍රීතිය ඇති වෙනවා. ඒ ප්‍රීතියේ ප්‍රභේද තිබෙනවා යමෙකුගේ හිතේ ප්‍රීතිය පහල වුණොත් සියළු චෛසතික ධර්මයෝ ප්‍රීතියෙන් පිනා යන බව සඳහන් එතකොට මේ සිත් හටගන්නා තැන, ඒ කිව්වේ කෙනකුගේ සිත් හටගන්නා තැන. සිත් හටගන්නේ හදවතේ හදය වාත්තු රුපයේ හිත හටගන්නා බව බුදුරාණන් වහස්නේ වදාළ සේක කෙනෙකු ප්‍රීතියට පත් වෙන්න වෙන්න ලේ ධාතුව පිරිසිදු වෙන්න ගන්නවා. මේ ප්‍රීතිය කියන ධර්මතාව කෙනෙකුගේ චිත්ත සන්තානය තුල හටගන්නවා නම් ඒ කෙනා එදිනෙද කටයුතු බොහොම ප්‍රීතියෙන් ඉටු කරන කෙනෙක් බවට පත් වෙනවා. ප්‍රීතියට විරුද්ධ ධර්මතාවයන් හැටියට ශෝකය අපිට සඳහන් කරන්න පුළුවන්. දුක බලවත් වෙන්න වෙන්න කෙනෙක්ගේ හිතේ ක්‍රෝධය බලවත් වෙනවා. ක්‍රෝධය බලවත් වෙලාවක මරණය සිදු වුණොත් ඒ කෙනාගේ ඊළඟ උපත හොඳ එකක් වෙන්න විදියක් නැහැ මරණයට අනුව පිංවතුනි. ප්‍රීතිය කියන ධර්මතාවය කෙනෙක් ගේ ඊළඟ උපත පාවා වෙනස් කරන දෙයක්. කෙනෙක් ප්‍රීතියෙන් ඉන්න වෙලාවක මරණයට පත් වුණොත් ඒ කෙනා සුගතියක උපදින්න පුළුවන් ප්‍රීතියක ඉන්න කෙනෙක් වෙනුවෙන් උපදින සිතුවිලි ප්‍රීතිය දානවන සිතුවිලි තමයි ඇති වෙන්නේ.... යම් කෙනෙක් හැම මොහොතකම ප්රිතියෙන්ම කටයුතු කරනවා නම් ශරීර අවයව වල පැහැපත් පව ඇති වෙන බව සාමිස ප්‍රීතිය සහ නිරාමිස ප්‍රීතිය කියල ප්‍රීතිය කොටස් දෙකකට බෙදෙනවා සාමිස ප්‍රීතිය කමාමිස ප්‍රීතිය - කෙනෙක් තමන් සතු පංච කාම වස්තුන් ගැන හිතමින් සතුටු වෙනවා නම් අපි කියනවා එයට තෘෂ්ණාව සම්බන්ධ ප්‍රීතියක් එයට කියනවා කාමමිස ප්‍රීතිය භවයෙන් භවයට යන නැති නොවී විනාශ නොවී පවත්නා ආත්මයක් පුද්ගලයෙක් කියල කෙනෙක් ඉන්නවා කියලා කෙනෙක් හිතනවා නම් එය බුදු දහමට පටහැනි. වට්ටාමිස ප්‍රීතිය - භව තෘෂ්ණාවත් එයට අරමුණ වන භව සම්පත් ආදියත් වට්ටාමිස ප්‍රීතියයි ත්‍රිවිධ වූ ආමිසයන්ගෙන් බැඳුණු ගැටුණු ප්‍රීතිය වට්ටාමිස ප්‍රීතිය ලෙස සඳහන් වෙනවා නිරාමිස ප්‍රීතියෙන් ඉන්න කෙනාගේ මෙලොව ජීවිතය යහතින් නිසා පරලොවත් යහපත් වෙනවා නිරාමිස ප්‍රීතිය කොටස් 05කට බෙදෙනවා. මහා කප්පින රජතුමාට බුද්ධ රතනය පහල වෙලා කියල ඇහුවම ඇතිවුණ ප්‍රීතිය කොතරම් ද කියල අපිට වචන වලින් කියල නිම කරන්න බැහැ. ධර්ම දේශණාව ශ්‍රවණය කරන්න.