KIFUSI CHA MCHANGA CHAFUNGA BARABARA YA LUKUMBULU MKOANI NJOMBE

Wananchi na Watumiaji wa vyombo vya moto katika barabara kuu ya kutoka mkoani Njombe, kuelekea Songea mkoani Ruvuma, wamejikuta katika wakati mgumu baada ya kukwama kwa zaidi ya saa nne kufuatia kifusi kuporomoka na kuziba barabara hiyo katika eneo la Mlima Lukumbulu, uliopo katika Kata ya kifanya mkoani Njombe. Udongo uliporomoka kutoka Mlimani umeifunika barabara hiyo muhimu kwa usafirishaji wa abiria na mizigo kwa Ukanda wa Nyanda za juu kusini, hali iliyochangiwa na mvua zinazoendelea kunyesha hivi sasa. Wakala wa barabara Tanroads mkoani humo umewasisitiza madereva wanaotumia barabara hiyo kuwa waangalifu wanapopita wakati jitihada za serikali zikiendelea kuchukuliwa kuhakikisha barabara ya Makambako hadi Songea inafanyiwa matengenezo makubwa kutokana na mashimo yaliyopo. Usisahau kutufuatilia katika mitandao yetu ; Subscribe to our Youtube Channel : http://bit.ly/itvtanzania Facebook : https://bit.ly/2KeQNl3 Twitter : https://bit.ly/2XG7aii Instagram : https://bit.ly/34KItmg