#تورته بالدقيق العادي وبدون محسن چل ب٢ بيضه وفي الخلاط #نص رغيف

تورته ب 2 بيضه وفي الخلاط هشه جدا وعاليه جدا المقادير حبايبي الغاليين🌹 اول حاجه هنوحد الكوبايه لكل المقادير بيضه واحده رشه فانيليا معلقه صغيره من الخل ربع كوبايه من الزيت نص كوبايه من الحليب كوب الا ربع من السكر هضرب كل ده في الخلاط وهنزل عليه بكوبايه وربع من الدقيق ومعلقه كبيره من البيكنج بودر ومعلقه كبيره مليانه من النشا الذره العادي وذره ملح صغيره خالص اصب الخليط في صينيه مقاس 20 مدهونه مسحه من الزيت ومتبدره بالدقيق 👍👍👍 لعمل كيكه الشيكولاته هعمل نفس المقادير اللي فاتت ولكن هزود عليهم معلقه كبيره هرميه من الكاكاو وربع كوبايه ميه مغليه ❤ والخليط ده هصبه في صينيه مقاس 22 ممسوحه مسحه زيت ومتبدره بالدقيق 👍 الكيك بيدخل الفرن على درجه حراره 180 على الشبكه اللي في النص لمده 25 دقيقه تقريبا او لحد ما يستوي على حسب فرنك بختبر الكيك بخله رفيعه او سكينه رفيعه ولو قلبه لسه في عجينه هتسيبيه كمان خمس دقائق 🌹 ❤❤❤❤❤❤❤❤❤❤❤ مقادير الكريمه لعمل التورته هضيف كوبايه ونص من الكريم شانتيه البودر الخام وعليهم معلقتين كريم باستري ودول من عند مستلزمات الحلواني هضيف عليهم كمان اربع معالق من السكر وكوبايتين من الميه الساقعه المتلجه ولازم تكون مثلجه عشان الكريمه تظبط معاكي 🙏 للتزيين شيكولاته مبشوره او هوادر الكيك اللي بالشوكولاته وكريز او كريسبي او اي حاجه تفضليها يفضل التورته ترتاح في التلاجه بين كل مرحله ومرحله عشان الدنيا حر ويفضل كمان تبات ليله في التلاجه قبل التقديم لان طعمها بيكون اتركز وبقي أحلي 💝 وبالف هنا حبايبي الغاليين ♥️#نص رغيف