Sârpui Anzâm Naw Maw! | | Nienglawmkim Sungte

A hmasan tlangtin le muol tina Hmar nauhai Hmar Martyr's Day Chibai ka hung bûk cheu. Hi hla 'Sârpui Anzâm Naw Maw' ti hla hi (Lt) F. Tuothangin hnam ta dinga hringna chân hmasa tak, mihrâng Huoplien le Lienhmingthang hai puola a phuok ani a. Vawisun hun chena Hmarnau haiin ei inser; May ni 16 hi an thi ni champha ani a. Chu le inzawm peiin, hnam tadinga thlunglu lo chân ta hai po po hriet zingna ding le hnamin ei theinghil naw a, ei innghil ngai bawk naw ding a ni leiin, May ni sawmparuk (16th.May) hi Hmar Martyr's Day tiin ei inser tah a nih. A tawp takah, hnam hla mawi tak tak mi lo sersuok pektu fam tah Pu. F Tuothang hrietzingna dingin ka hung inhlan a. Chun, hnam tadinga fam lo chang tahai po po inzana insâng tak ka'n hlân bawk a nih.