🎓Bitiruvchi-2025

Termiz shahridagi Prezident maktabida 2024-2025-o‘quv yili yakuni munosabati bilan "Ilm — eng buyuk sharaf!" shiori ostida "So‘nggi qo‘ng‘iroq" bayrami bo‘lib o‘tdi. Bayram dasturidan bitiruvchilar qasamyodi, o‘qituvchilarning bitiruvchilarga tabrigi, taqdirlash marosimi hamda bir-biridan ajoyib badiiy sahna ko‘rinishlari joy oldi. Bitiruvchi o‘quvchilarimiz o‘tgan davr mobaynida ularga ta'lim-tarbiya bergan ustozlariga ehtirom ko‘rsatib, buyuk ajdodlarga munosib avlodlar bo‘lishga va'da berdilar. Maktab ma'muriyati tomonidan esa 2024-2025-o‘quv yilining eng yaxshilari taqdirlandi. Ustozlar va boshqa xodimlar Prezident maktabida tahsil olib, ayni vaqtda katta hayot ostonasida turgan yigit va qizlarga iliq tilaklar bildirib, kelgusi o‘qish va ishlarida ulkan muvaffaqiyatlar tiladilar. Tadbir davomida namoyish etilgan badiiy sahna ko‘rinishlari hamda raqslar barchaga bayramona kayfiyat ulashdi. https://t.me/pmtermiz   / pmtermiz     / pmtermiz   #bitiruvchi_2025 #Prezident_maktabi #Termiz_shahri