Mahakal Stotram (Lyrics by @vijaymusic_191 )

महाकाल स्तोत्र ॐ महाकाल महाकाय महाकाल जगत्पते। महाकाल महायोगिन् महाकाल नमोऽस्तुते ॥ महाकाल महादेव महाकाल महाप्रभो। महाकाल महारुद्र महाकाल नमोऽस्तुते ॥ महाकाल महाज्ञान महाकाल तमोऽपहन् । महाकाल महाकाल महाकाल नमोऽस्तुते ॥ भवाय च नमस्तुभ्यं शर्वाय च नमो नमः । रुद्राय च नमस्तुभ्यं पशूनां पतये नमः ।। उग्राय च नमस्तुभ्यं महादेवाय वै नमः। भीमाय च नमस्तुभ्यं ईशानाय नमो नमः ॥ ईश्वराय नमस्तुभ्यं तत्पुरुषाय वै नमः ।। सद्योजात नमस्तुभ्यं शुक्लवर्ण नमो नमः। अधः कालाग्निरुद्राय रुद्ररूपाय वै नमः ।॥ परमेश्वररूपस्त्वं नील एवं नमोऽस्तुते ॥ पवनाय नमस्तुभ्यं हुताशन नमोऽस्तुते। सोमरूप नमस्तुभ्यं सूर्यरूप नमोऽस्तुते ॥ यजमान नमस्तुभ्यं आकाशाय नमो नमः। सर्वरूप नमस्तुभ्यं विश्वरूप नमोऽस्तुते ॥ ब्रह्मरूप नमस्तुभ्यं विष्णुरूप नमोऽस्तुते। रुद्ररूप नमस्तुभ्यं महाकाल नमोऽस्तुते ।। स्थावराय नमस्तुभ्यं जङ्गमाय नमो नमः। नमः स्थावरजङ्गमाभ्यां शाश्वताय नमो नमः ॥ ॐ ह्रीं मायास्वरूपाय सच्चिदानन्दतेजसे । स्थित्युत्पत्तिलयानां च हेतुरूपाय वै नमः। हूं हुङ्कार नमस्तुभ्यं निष्कलाय नमो नमः। अनाद्यन्त महाकाल निर्गुणाय नमो नमः ॥ प्रसीद मे नमो नित्यं मेघवर्ण नमोऽस्तुते । प्रसीद मे महेशान दिग्वासाय नमो नमः ॥ स्वाहा सम्पूर्णमन्त्राय सोऽहं हंसाय ते नमः ॥ ॥ फलश्रुति ॥ इत्येवं देव देवस्य महाकालस्य भैरवि। कीर्तितं पूजनं सम्यक् साधकानां सुखावहम् ।।