بولدى - راخمانجان ئاۋۇت ئۆزھال Boldi - Raxmanjan Awut Ozhal | Болди - Рахманҗан Авут Өзһал

Болди Текисти: "Қизил Равақтики Чүш" тин елинған Музыкиси: Рахманҗан Авут Өзһал Нахшида: ИИ Текист қошулуп Мусапирмән қанилида тарқитилди Текистини Абдукерим Хоҗа тәрҗимә қилған Өз вақтида бәг - ғоҗамлар толған сарай Ғурбәт бесип қуруқ сөләт далан болди Бир чағларда бәзмә - мәшрәп қайниған җай Гүлләр тозуп, дәл - дәрәхләр хазан болди Зәр торусқа өмүчүкләр бағлиди тор Гүл пәнҗириләр от - гияһқа ашян болди Упа - әңлик, хуш пурақниң нә һаҗити Қиров қонди чачқа, қерилиқ аян болди Кечә тупрақ ара кирсә мурда, бүгүн - Ашиқ - мәшуқ һуҗра ара пинһан болди Сандуқ - сандуқ алтун - күмүш сақлиғанлар Көз ачқучә гадайлишип вәйран болди Өмри қисқа дәп өзгидин аһ урғанлар Келип өзи у аләмгә раван болди Атасидин қаттиқ тәнбиһ алған затлар Еһтималим, қилмишлири әсян болди Байвәччидин өзигә җөр издигәнләр Тапқан җайи чала хунүк мәйдан болди Таҗисини кичик көрүп кәймигәнләр Кийип қовуқ, ятқан җайи зиндан болди Ахшам техи җул - җул тондин ғиңшиғанға Бүгүн бәглик чапиниму яман болди Бири тәхттин чүшсә, йәнә бири чиқти Ақивәттә маңа ят журт макан болди Қойғинә, бу әпсанини, һәнниваси - Башқиларға ахир тойлуқ чапан болди بولدى تېكىستى: «قىزىل راۋاقتىكى چۈش» تىن ئېلىنغان مۇزىكىسى: راخمانجان ئاۋۇت ئۆزھال ناخشىدا: AI تېكىست قوشۇلۇپ «مۇساپىرمەن» قانىلىدا تارقىتىلدى تېكىستىنى ئابدۇكېرىم خوجا تەرجىمە قىلغان ئۆز ۋاقتىدا بەگ - غوجاملار تولغان ساراي غۇربەت بېسىپ قۇرۇق سۆلەت دالان بولدى بىر چاغلاردا بەزمە - مەشرەپ قاينىغان جاي گۈللەر توزۇپ، دەل - دەرەخلەر خازان بولدى زەر تورۇسقا ئۆمۈچۈكلەر باغلىدى تور گۈل پەنجىرىلەر ئوت - گىياھقا ئاشيان بولدى ئۇپا - ئەڭلىك، خۇش پۇراقنىڭ نە ھاجىتى قىروۋ قوندى چاچقا، قېرىلىق ئايان بولدى كېچە تۇپراق ئارا كىرسە مۇردا، بۈگۈن - ئاشىق - مەشۇق ھۇجرا ئارا پىنھان بولدى ساندۇق - ساندۇق ئالتۇن - كۈمۈش ساقلىغانلار كۆز ئاچقۇچە گادايلىشىپ ۋەيران بولدى ئۆمرى قىسقا دەپ ئۆزگىدىن ئاھ ئۇرغانلار كېلىپ ئۆزى ئۇ ئالەمگە راۋان بولدى ئاتاسىدىن قاتتىق تەنبىھ ئالغان زاتلار ئېھتىمالىم، قىلمىشلىرى ئەسيان بولدى بايۋەچچىدىن ئۆزىگە جۆر ئىزدىگەنلەر تاپقان جايى چالا خۇنۈك مەيدان بولدى تاجىسىنى كىچىك كۆرۈپ كەيمىگەنلەر كىيىپ قوۋۇق، ياتقان جايى زىندان بولدى ئاخشام تېخى جۇل - جۇل توندىن غىڭشىغانغا بۈگۈن بەگلىك چاپىنىمۇ يامان بولدى بىرى تەختتىن چۈشسە، يەنە بىرى چىقتى ئاقىۋەتتە ماڭا يات يۇرت ماكان بولدى قويغىنە، بۇ ئەپسانىنى، ھەننىۋاسى - باشقىلارغا ئاخىر تويلۇق چاپان بولدى Boldi Tékisti: "Qizil Rawaqtiki Chüsh" tin élinghan Muzikisi: Rahmanjan Awut Özhal Naxshida: AI Tékist qoshulup Musapirmen qanilida tarqitildi Tékistini Abdukérim Khoja terjime qilghan Öz waqtida beg - ghojamlar tolghan saray Ghurbet bésip quruq sölet dalan boldi Bir chaghlarda bezme - meshrep qaynighan jay Güller tozup, del - derexler xazan boldi Zer torusqa ömüchükler baghlidi tor Gül penjiriler ot - giyahqa ashyan boldi Upa - englik, xush puraqning ne hajiti Qirow qondi chachqa, qériliq ayan boldi Kéche tupraq ara kirse murda, bügün - Ashiq - meshuq hujra ara pinhan boldi Sanduq - sanduq altun - kümüsh saqlighanlar Köz achquche gadayliship weyran boldi Ömri qisqa dep özgidin ah urghanlar Kélip özi u alemge rawan boldi Atasidin qattiq tenbih alghan zatlar Éhtimalim, qilmishliri esyan boldi Baywechchidin özige jör izdigenler Tapqan jayi chala xunük meydan boldi Tajisini kichik körüp keymigenler Kiyip qowuq, yatqan jayi zindan boldi Axsham téxi jul - jul tondin ghingshighangha Bügün beglik chapinimu yaman boldi Biri texttin chüshse, yene biri chiqti Aqiwette manga yat yurt makan boldi Qoyghine, bu epsanini, henniwasi - Bashqilargha axir toyluq chapan boldi