جديد بصوت محمد الاميري || ارسوم الشته || الشاعر كاظم اسماعيل الكاطع || #قناة_محطات

|| اهلاً وسهلاً بكم في قناة محطات || اضغظ على زر الاشتراك ومن ثمُ فعّل علامة الجرس ليصلكم كل ما يتم نشره وكل ما هو جديد للتوصل مع قناة محطات على الفيس بوك عبر الرابط الآتي 👇👇   / mhtat.iq   شكراً لكم ولتواجدكم ولتواصلكم كل الحب والأمتنان 🌹😘 ارسوم الشته ...* كون يمك كون يمك يا بخت جنحه اليذبّه الريح يمك كون اشوفك كون وَي فجر السوالف تغبش عيوني عليك اتشيل خطوة شوفها وتنگلها يمك ودي اشوفك ودي اطيرن محترگ واطفه عتب حار اعله دمك بلچن اباجي الطفو غيرّة دفو وتذوٌب ارسوم الشته الصّك اعله دمك ودي لاچن ... ودي اغفل ليلهم وابحر واذب گلبي بشريعه ولو الگاك ،، يصير سچينه ويشگ اسراره يمك ودي ابوگن جدمي ،، وابعد ودي افك باب السنين السوده ،، واشرد ودي لاچن ... شدّوا برجلي جرس يشهد عليَّ وبس اشيلن خطواتي الحراس تگعد بس اشيلن خطواتي ايردها الگزاز عيوانهم صارت گزاز ابكل جفن يندله حلمك ظفروا رموشي حبل وتنطروا جيّة ظلام وصلبوا اعله عيوني حلمك وانته انته يالمجروح خاف احچي والچمك لو تطاوعني الجروح تصير غيمه وحته اراويك اشكثر ينزل مطر بالگاع دمك فاهيه الدنيا ،، طفت لذّة طعمها ولبست انگاب اعله نجمك چنت وياي بقصيده وصورتك چانت بديه من احترگ چفي وخذتني النار وافتر بالسمه دخان رسمك ركضت ابگلبي الشراره وسابگت چّفي اويَّ ممشَه النار شفت ايدي هتافات ومشاعل تمشي بسمك وما اطفّي النار خله النار تحرگني لون ابريحة الدخان اشمك وخل شواطيك تدچ عيني رمل ابگه سفينة ليل يهديها الشواطي لشوگ نجمك لاچن .. احچاية عتب يالبلچن يذوب الشته الصّك اعله دمك وينه چفك فرّع ابگلبي عناگيد الحزن وعمري عاگول الجزيره وروحي گبل اول سفينه ،، وموش عمّيه شلون ترضه اتگودها باجي السفن كاظم اسماعيل الكاطع آذار/1972