الذكاء الاصطناعي - خالد ال بريك & احمد الجويدي | (حصرياً) 2026

إشترك بالقناة الرسمية للشاعر احمد الجويدي الرسمية لمتابعة جديد الاعمال الذكاء الاصطناعي - خالد ال بريك & احمد الجويدي | (حصرياً) 2026 لمتابعة احمد الجويدي ، حياكم الله سناب شات   / blx8z2fh   _ الذكاء الاصطناعي كلمات احمد الجويدي اداء خالد ال بريك الكلمات الشعور اللي تفاصيله على بالي دقيقه يسرق افكاري لو اني بين خلق الله واعي لون قرص الشمس كنه يشعل بجوفي حريقه الغروب يضيّق الخاطر وادور لاتساعي اتجلا في خيالي والطواريق العميقه من خلال الشعر اعبّر للعرب عن انطباعي مجهدً راسي وفكري لين صابته الشقيقه ابحر بسبع البحور اللي بها فكري متاعي أتقدم بالمواقيف / الجزيله والعريقه واقلع انياب السباع وأقلع انياب الأفاعي لا حضرت اعمي عيون الحاسد ويشرق بريقه وبغيابي فارضً مجدي لو يزود انقطاعي الضعيّف ينوخذ حقّه على يدين الخليقه والقوي يفرض وجوده بالمحيط الاجتماعي بلغوا عنّي لو أني هرجهم ماني ب أطيقه دون حقّي لو يطول الوقت ما يقصر ذراعي أتغافل ماني مغفّل وانا اعرف الحقيقه و اخدع اللي يحسب انه بالزمن يقدر خداعي دبلوماسي في علاقاتي ونظراتي عميقه لاني انسان انطوائي ولاني انسان اندفاعي نار عدواني علي أهون من النار الصديقه ما أتحملها وأحاربها ولو يكثر نزاعي ولا يليّن خافق الفارس سوا حب الانيقه مهرةً من مربط صويتي لها يثير انطباعي بين فرقاها الشئيم وبين ذكراها العتيقه في وداعي مالها داعي تسبب لي ضياعي لا تذكرت المواعيد القديمه والوثيقه قمت الوم الحظ وظروف الليالي ما تراعي ؟ لا خذاني يمها شوقي ولا أحصّل طريقه قمت أحاكي في مواصلها الذكاء الاصطناعي امنياتي في محاجر عينها راحت غريقه العيون اللي تسبب للعرب موتً جماعي فاتنً لا سولفت تعزف شفايفها موسيقه من ضلوعي تسرق همومي وتطرب لي سماعي النحل مثل ثغرها المفتون يستخرج رحيقه والوجه كنّه يقول ان البدر يعكس شعاعي المشاعر وسط صدري يمّها دايم رقيقه ليتني ما طشت معها كان ما للحب داعي أتظاهر بالسعاده والصدر مليان ضيقه واتحامل للهجر وأحثّ للوصل المساعي بين من يهجر حبيب وبين من خان برفيقه البلا بالناس ماهو بالزمن حسب اطلاعي من يجنبني ما اوقف له على مفرق طريقه عارفً مقدار نفسي وعارفً حجم ارتفاعي في يميني مقضب الفسقان يشعاني بريقه اعتزي به بالملاحم في هجومي وب دفاعي علويً مارضيت الهون وعروقي عريقه والدروب العوج عنها يمنع الاسم الرباعي المفاخر مع حمول الخيل عروتها وثيقه بالتواريخ العظيمه يوم للأمجاد ساعي لا اعتلينا للصويتيات من خاصم نعيقه وابلنا ترعى الخطر في وسمها من دون راعي آيه حنا اهل الفعول اللي على البيدا حقيقه صيتنا يسمع قبل لا يسمع البث الاذاعي #الذكاء_الاصطناعي