"Umunsi dufata imbunda twari twiyemeje ntabwo twakinaga” Maj Gen Paul Kagame, 1992

Umunsi twegura intwaro twari twiyemeje. Ntabwo twari mu mikino, twari twiyemeje gukemura ibi bibazo. Kandi Bigomba gukemuka ku ngufu cyangwa mu bwumvikane. Ibyo ni ihame bigibwaho impaka. N’ubwo bimeze gutya ariko, twebwe duhsyize imbare inzira y’Ubwumvikane n’imishyikirano mu buryo bw’amahoro, ntabwo intambara ari yo dushyira ku mwanya wa mbere. Aya Magambo ya Nyakubahwa Perezida Paul KAGAME wari Umugaba mukuru w’Inkotanyi yayavuze mu kwezi kwa 3 mu mwakwa w’1992. Yayavugiye Gikoba mu cyahoze ari Komine Muvumba Perefegitura y’Umutara. Niwitegereza neza urabona ko yari yicaye mu nsina cg mu rutoki bitewe n’uko iwanyu muvuga. Ni amagambo yavuze aherekejwe n’icyizere cg Confidence mu rurimi rw’Icyongereza. Impamvu nta Yindi ni uko Izi nzira 2 yabwiye abanyamakuru b’abazungu yari azizeye. Inzira 2 mvuga ni inzira y’Amahoro n’inzira y’Intambara kugira ibibazo byatumye FPR Inkotanyi itangiza urugamba rwo kubohora u Rwanda bikemuke. Izi Confidence cg icyizere bya Mag Gen Paul KAGAME byaturukaga ku mpamvu 2: Iya mbere: FPR Inkotanyi izi kandi yari izi akamaro k’Amahoro. Yari izi ko intambara isenya itubaka. Yari izi ko Iyo abantu bicaye bakaganira bakamura ibibazo bafitanye byakanga bagashaka umuntu ubajya hagati akabahuza ariko ibibazo bigakemuka nta we utikuye undi ingumi mu jisho cg indi mirwano iyo ari yo yose. Icya 2: FPR Inkotanyi n’Umutwe wa Gisirikare wayo witwaga RPA Inkotanyi ari na wo Perezida Kagame yari abareye Umuyobozi nyuma yo gusimbura Fred Gisa Rwigema wishwe n’ingabo za Leta FAR nyuma y’amasaha 26 urugamba rwo kubohora u Rwanda rutangiye, bari bamaze amezi 3 bakubise ingabo za leta ya Habyarimana zitwaga Inzirabwoba bakazambura ubutaka buto ku butaka bw’u Rwanda. Bari bamaze amezi 3 bafite aho hantu hitwa GIKOBA baharinze, bahakorera inama, ndetse n’aba banyamakuru bahaye Interview Paul KAGAME ni ho bamusanze. Perezida Kagame ni Umunyamahoro kuva kera. Iyo aza kuba umunyamahane ntabwo iri jambo amahoro n’imishyikirano yari kuvuga ko ari cyo cya mbere bashyize imbere. Impamvu mvuze ntyo ni uko Inkotanyi ni zo zari imbere mu rugamba. Bmaze gufata aha Gikoba bahise bazamuka bajya gusenya ibirindiro by’Ingabo za Leta FAR byari mu mujyi wa Byumba. Iki Gihe Abasirikare bakuru bazi bafatwaga nka nimero za mbere z’Ingabo za Leta FAR bari bamaze gusiga abasirikare bato ngo bagume hafi y’Inkotanyi bo basubira i Kigali ngo kwiga Intambara neza mu buryo bushya. Nkivuga Ibi nahita mabawira Generali Majoro NSABIMANA DEGRATIAS bakundaga kwita CASTAR. Ni we watangiranye n’Ingabo za FAR mu kureba uko bakura Inkotanyi aha GIKOBA. Biramunanira Habyarimana aramubwira ngo n’aze hano Camp Kigali yicare muri Etat Majoro ngo atekereze bundi bushya uko urugamba rugomba kurwanywa Inkotanyi zigatsindwa. Inkotanyi zari zamaze kubibona ko Habyarimana akwiye kumva inzira nziza n’Inkotanyi zamuhaga ayo kwemera Impunzi zigataha, akareka kwica Abatutsi b’abasivile b’imbere mu gihugu, akareka kwica no gutoteza Abantu bose barwanya imiyoborere mibi ye, akareka guheza abantu ashingiye ku moko n’uturere n’ibindi bibi byose byaganishaka u Rwanda n’Abanyarwanda mu bujyahabi. Ijambo Amahoro, Perezida KAGAME yarisubiyemo kenshi ndetse kenshi cyane ndetse ajaya anabitangamo ubuhamya muri iyi minsi ariko reka mfate urugero rwo ku itariki 2 z’ukwezi kwa 12 mu mwaka w’2012 ubwo yari mu muhango wo gusoza umwiherero w’abayoboke b’Itorero ADEPR mu Rwanda yaravuze ati Iyo Habyarima agira Imana Perezida Kagame akamugira Inama akamwumvira, n’urugamba rwo kubohora u Rwanda ntabwo ruba rwarabayeho ngo abantu baterure imbunda baze batangize intamabara. Kera kabaye Habyaraimana yaje kwemera ko ibintu byo kurwana bimunaniye ati Reka twicare tuganire mu mahoro. Imishyikirano iratangira iranozwa igihe kiragera iransinywa ariko ntiyubahirijwe. Mu ngingo 4 nkuru zari zigize aya masezerano harimo izo we ubwe atemera ariko akabura uko azihakana kandi ari ingingo za ngombwa. Harimo n’iyo Abasirikare bakuru be batemeraga nko Kuvanga ingabo bityo Inkotanyi zikavangwa n’Inzirabwoba (Ni ko Ingabo za Leta Icyo gihe zitwaga) bityo bagakora igisirikare kimwe. Ntaratangira kukubwira ingingo ku Yindi n’udushami twazo muri iziz 4 zarisinywe hagati ya FPR na Leta ya Habyarimana, ndibaza ko umutima wawe uhise ukwibutsa ibyo tumaze iminsi tubona Hagati ya M23 na Leta ya DRC. Yemwe n’ibyo tubona Hagati ya Leta y’u Rwanda na Rep ihara Demo ya Congo. Amasezerano y’amahoro ngo ya WASHINGTON kwa Trump ayandi ngo AMasezerano ya DOHA muri QATAR hagati ya M23 na RDC. Bamwe bati Bamaze kujya I Doha inshuro 7 kuko izabanjije zose Impande zimwe ntizanyuzwe, yemwe na WASHNGTON U RWANDA NA DRC baherutse gusubirayo .