Elbasan/ 150 metra larg policise, autoreve s'u mjaftoi koha per vrasjen| ABC News Albania

Një 23-vjeçar i ka shpëtuar një atentati me armë zjarri mbrëmjen e kaluar në qytetin e Elbasanit, duke mbetur i plagosur me 3 plumba. I riu, i njohur me emrin Kei Piu ndodhej në makinën e tij tip "Fuoristradë", kur është qëlluar nga një mjet tjetër me armë zjarri. Dyshohet se atentati është bërë për larje hesapesh, ndërkohë që i plagosuri nuk ka pranuar të bashkëpunojë me policinë pas marrjes në pyetje. Burime pranë grupit hetimorë pohojnë së ngjarja ka qene e mirëorgnizuar nga autorët kanë pasur si qëllim eleminimin 23-vjecarit të njohur me emrin Kei Piu, por s’u ka mjaftuar koha. Kjo pasi zona ku ndodhi atentati është 150 metra larg drejtorisë së policise. Mësohet se për shkak të patrullimit të shpeshtë të policisë në qendër të qytetit atentatorët të cilët kanë qenë të maskuar nuk kanë mundur të dalin nga automjeti, duke e qëlluar 23 vjeçarin nga brenda. Në tentative për ti shpëtuar plumbave i riu është shmangur dhe ka shkuar në fund të makinës së parkuar ku ka rënë në tokë. 23-vjecari është gjetur i plagosur nga Policia e Elbasanit. Mësohet se i riu ka marrë tre plumba në bark. Ai i është nënshtruar një ndërhyrjeje kirurgjikale në Spitalin e Elbasanit. Ndërkohë, policia ka sekuestruar kamerat e sigurisë përreth zonës ku ndodhi ngjarja për të bërë të mundur identikimin dhe kapjen e autorëve. Deri më tani uniformat blu kanë shoqëruar në komisariat disa persona, të cilët mund të kenë dijeni për ngjarjen. 23-vjeçari nuk është një emër i panjohur për policinë. Ai ka qenë shoqëruar disa herë në polici për lëndë narkotike. Policia ka nisur hetimin në disa pista, ku më kryesorja është larja e hesapevedhe debateve që i riu mund të këtë patur me autorët. I plagosuri është marrë në pyetje nga oficerët, por nuk ka pranuar të bashkepunojë me policine./abcnews.al