الشيخ امام - هااتجن ياريت يااخوانا مرحتش لندن ولا باريس

الصوت منقول من موقع الاخ عصمت النمرesmat112111 نسخه اخرى موجوده على الرابط التالي    • الشيخ امام - حاتجنن  يا ريت ياخوانا   يا ريت ياخوانا مارحتش لندن و لا باريز دي بلاد تمدين و نضافه و ذوق و لطافه و حاجه تغيظ مالقيتش جدع متعافي ، و حافي ، و ماشي يقشر خص و لا شحط مشمرخ افندي معاه عود خلفه و نازل مص و لا لب اسمر و سوداني و حمص و انزل ياتقزقيز و لا صايع طالع يجري و صايع تاني بيجري وراه و يقول ها هع حصلتك يابن اللي ابصر إيه عاملاه لا الشارع غيط ياخوانا و لا احنا بداره و لا احنا معيز و لا واحده ف وش الفجر تبرطع ماليه الدنيا صوات قال إيه جوز خالتي ام احمد سلفة اخوها السيد مات سبحانك ما اعظم شأنك و الله الموت دا مفيد و لذيذ و لا واحد بيبيع حاجه يقول بريال و تاخدها بصاغ ياخوانا دي حتى الإبره تاخدها بدوشة و قلب دماغ حلفان و عراك و مناهدة و يمكن ضرب كفوف يا حفيظ و لا عركه ف نص الليل دايره بالحيل و ساحبها بوليس قدامها جدع متجرجر وشه معور قال ده عريس الخلق ما هي بتتجوز و اشمعنى احنا ما فيش تمييز و لا فيش ميت ألف صعيدي بتوع يانصيب هاجمين و لا فيش ميت ألف معوض هاجم جاي معاه صندوق ورنيش و الله كرهت القهوه و حرمت أقعد ع الأفاريز بيرم التونسي