''ალბერ კამიუ - საუკუნის სინდისი'' - ლევან ბერძენიშვილი (ნაწილი 2) 20.06.22.

''წიგნის სახლში ბახტრიონზე'' გაიმართა ფილოლოგ ლევან ბერძენიშვილის ლექცია თემაზე - ''ალბერ კამიუ - საუკუნის სინდისი''. ალბერ კამიუ მეოცე საუკუნის ფრანგი ფილოსოფოსი, ჟურნალისტი და ნობელის პრემიის ლაურეატი მწერალია.მიჩნეულია ომის შემდგომი პერიოდის დიდ მორალისტად. კამიუ აკრიტიკებს საბჭოთა ტოტალიტარიზმს, ჩრდილოეთ აფრიკის მოსახლეობისადმი უსამართლობას, იცავს ეპანელ ანტიფაშისტ დევნილებს, სტალინიზმის მსხვერპლთ და სხვ. კამიუს შემოქმედებაში მთავარი ადგილი უჭირავს სამ ციკლს, ესენია: აბსურდი ( რომანი ''უცხო'', ესეი ''სიზიფის მითი, ორი პიესა ''კალიგულა'' და ''გაუგებრობა''), ამბოხი (რომანი ''შავი ჭირი'', ესეი ''ამბოხებული ადამიანი'', ორი პიესა ''მართალნი'' და ''ალყა'') და სიყვარული ( რომანი ''პირველი ადამიანი''...) . სამწუხაროდ, მესამე ციკლის დასრულება ვერ მოასწრო. ალბერ კამიუს ნაწარმოებები მრავალ ენაზეა თარგმნილი და მას უამრავი თაყვანისმცემელი ჰყავს მთელ მსოფლიოში.