ಸರ್ವ ಜಾತಿ-ಜನಾಂಗಗಳ ಪುನರ್ ವಿವಾಹ ಸಮಾಲೋಚನೆ ಸಭೆ.

ಯಶಸ್ವಿಯಾಗಿ ಜರುಗಿದ ಸವ೯ ಜಾತಿ-ಜನಾಂಗಗಳ ಪುನರ್ ವಿವಾಹ ಸಮಾಲೋಚನೆ ಸಭೆ. ಶಿವಮೊಗ್ಗ, ಮೇ-25 ಸವ೯ ಜಾತಿ-ಜನಾಂಗಗಳ ಹದಿನೈದನೆ ವಿಧುರ-ವಿಧವೆ ಪುನವಿ೯ವಾಹ ಸಮಾಲೋಚನೆ ಸಭೆ ಇಂದು ಬೆಳಿಗ್ಗೆ ಯಶಸ್ವಿಯಾಗಿ ಜರುಗಿತು. ಇಲ್ಲಿನ ಆರ್.ಟಿ.ಒ. ರಸ್ತೆಯಲ್ಲಿರುವ ಶ್ರೀ ಕಲಾ ಕೌಶಲ್ಯಾಭಿವೃದ್ಧಿ ಕೇಂದ್ರದಲ್ಲಿ ಏಪಾ೯ಟಾಗಿದ್ದ ಕಾಯ೯ಕ್ರಮದಲ್ಲಿ ವಿವಿಧೆಡೆಗಳಿಂದ ಸುಮಾರು ನಲವತ್ತಕ್ಕೂ ಹೆಚ್ಚು ಜನರು ಭಾಗವಹಿಸಿದ್ದರು. ಸಭೆಯಲ್ಲಿ ಭಾಗವಹಿಸಿದ್ದ ಅಭ್ಯರ್ಥಿಗಳು ವಯಕ್ತಿಕ ಪರಿಚಯ ಮಾಡಿಕೊಂಡು ತಮ್ಮ ಇಚ್ಛಾಸಕ್ತಿಗಳನ್ನು ಪರಸ್ಪರ ಹಂಚಿಕೊಂಡರು, ಇವರೊಂದಿಗೆ ಹಲವಾರು ಮಂದಿ ಮೊದಲನೆ ವಿವಾಹ ಆಸಕ್ತರು ಪಾಲ್ಗೊಂಡಿದ್ದರು. ಕಾಯ೯ಕ್ರಮದ ಅಧ್ಯಕ್ಷತೆ ವಹಿಸಿದ್ದ ಸಂಚಾಲನ ಸಮಿತಿ ಗೌರವ ಅಧ್ಯಕ್ಷರು ಹಾಗು ನಿವೃತ್ತ ಪ್ರಾಂಶುಪಾಲರಾದ ಪ್ರೊ. ಹೆಚ್. ರಾಚಪ್ಪ ಸಂಘಜೀವಿಯಾದ ಮನುಷ್ಯ ಕನಿಷ್ಠ ತನ್ನದೇ ಆದ ಕುಟುಂಬದೊಂದಿಗೆ ಬದುಕುವ ಸ್ವಾತಂತ್ರ ಹೊಂದಿದ್ದು ಅದರಿಂದ ಪರಿಪೂಣ೯ವಾದ ನೆಮ್ಮದಿಯ ಜೀವನವನ್ನು ಕಂಡುಕೊಳ್ಳಬಹುದಾಗಿದೆ ಅದಕ್ಕಾಗಿಯೇ ಮಾನವೀಯತೆಯ ಧ್ಯೇಯದಡಿ ನಮ್ಮ ಸಂಸ್ಥೆ ಈ ಕಾಯ೯ಕ್ರಮವನ್ನು ಮುನ್ನಡೆಸಿಕೊಂಡು ಬರುತ್ತಿದೆ ಎಂದು ತಿಳಿಸಿದರು. ಆರಂಭದಲ್ಲಿ ಸಂಘಟನಾ ಕಾಯ೯ದಶಿ೯ ಚನ್ನವೀರಪ್ಪ ಗಾಮನಗಟ್ಟಿ ಸವ೯ರನ್ನು ಸಭೆಗೆ ಸ್ವಾಗತಿಸಿದರು, ಸಂಸ್ಥೆ ಪದಾಧಿಕಾರಿಗಳಾದ ನಿವೃತ್ತ ವಾಣಿಜ್ಯ ತೆರಿಗೆ ಅಧಿಕಾರಿ ಶ್ರೀನಿವಾಸ್ ಭದ್ರಾವತಿ, ನಿವೃತ್ತ ಚೀಫ್ ಆಫೀಸರ್ ಬಿ. ಜನಮೇಜಿರಾವ್, ನಿವೃತ್ತ ಪೊಲೀಸ್ ಅಧಿಕಾರಿ ಸೋಮಶೇಖರ್, ಗೋಪಾಲಕೃಷ್ಣ, ಶ್ರೀಮತಿ ವಿಜಯಲಕ್ಷ್ಮಿ, ಸುಕನ್ಯಾ, ಸುಲೋಚನಾ, ಲತಾ ಇತರರು ಉಪಸ್ಥಿತರಿದ್ದರು.