Të Paekspozuarit "E vërteta e Mark Frrokut" 18/03/2015 - Ora News

Në një intervistë ekskluzive në studion e emisionit “Të Paeksopozuarit” të Ylli Rakipit, deputeti Mark Frroku ka rrëfyer për më shumë se dy orë të vërtetën mbi çështjen Doshi. Duke pranuar miqësinë politike dhe në biznes me Doshin, Frroku jo vetëm mohon të ketë bërë informatorin e atentatit, por madje thotë se me ngjarjen u njoh vetëm në media kur deputeti Tom Doshi denoncoi publikisht. Mohon njohjet me Durim Bamin, ndërsa me Dritan Priftin thotë se e ka lidhur vetëm biznesi. Deputeti kristiandemokrat mohoi edhe përfshirjen e tij në dekonspirimin e operacionit policor dhe fshehjen në makinën e tij të një trafikanti droge. Madje deputeti pretendon se targa e makinës së publikuar në njoftimin e policies, nuk i përket mjetit të tij. Arrestimin e vëllait të tij Arben Frroku dhe kalvarin gjyqësor që u konkludua me pretencën e Prokurorisë e cila kërkon burgim të përjetshëm, deputeti Frroku e cilëson si haraç që po ia paguan padrejtësisht PD-së për shkak të shkëputjes nga kjo forcë politike. Duke deklaruar pafajësinë e të vëllait, Mark Frroku hedh akuza për manipulim të proçesit. Per intervisten e plote klikoni ne http://tepaekspozuarit.oranews.tv/te-...