कोणताच पुरावा नाही, घामाच्या थेंबांनी आरोपी सापडला; मुंबई पोलिसांच्या तपासाची थरारक कहाणी

कोणताच पुरावा नाही, घामाच्या थेंबांनी आरोपी सापडला; मुंबई पोलिसांच्या तपासाची थरारक कहाणी #MumbaiPolice #MalabarHill #CrimeStory #MurderMystery #Investigation #TrueCrime #DNAEvidence #MumbaiCrime #MarathiNews #Lokmat #मुंबईपोलीस #मलबारहिल #हत्याकांड #क्राइमस्टोरी #तपास #डीएनए #लोकमत #मराठीन्यूज मलबार हिल मुंबईतील सर्वात सुरक्षित समजल्या जाणाऱ्या परिसरांपैकी एक परिसर. अब्जाधीश, उद्योगपती, मंत्री, सेलिब्रिटी यांची वस्ती. रस्त्यांवर कडक सुरक्षा. पण याच परिसरात एका महिलेची निर्घृण हत्या होते. घराला बाहेरून कुलूप.आत मृतदेह. ना कोणताही प्रत्यक्षदर्शी. ना सीसीटीव्हीमध्ये आरोपी. ना फिंगरप्रिंट. ना कोणताही ठोस पुरावा. आणि तरीही मुंबई पोलिसांनी या हत्याकांडाचा उलगडा केला. तोही फक्त एका घामाच्या थेंबावरून. ही घटना आहे मलबार हिलमधील ज्योती प्रकाश पवार हत्याकांडाची आणि या व्हिडिओमध्ये आपण जाणून घेणार आहोत. अखेर पोलिसांनी असा कोणता धागा पकडला की संपूर्ण तपासाचं चित्र बदललं. मलबार हिलमध्ये नेमकं घडलं काय? पोलिसांच्या तपास कौशल्याची थरारक स्टोरी पुढील काही मिनिटांत जाणून घेऊ. नमस्कार मी मोरेश्वर आणि तुम्ही पाहाताय लोकमत मुंबई. ५५ वर्षीय ज्योती प्रकाश पवार पतीच्या निधनानंतर नेपियन सी रोडवरील सिमला नगर परिसरात एकट्याच राहत होत्या. घरकाम करून त्या आपला उदरनिर्वाह करत होत्या. साधं आयुष्य. कुणाशी विशेष वाद नाही. कोणत्याही गुन्हेगारी पार्श्वभूमीचा संबंध नाही. सगळं काही अगदी सामान्य. पण एकदा त्या ज्या घरात कामाला जायच्या, तिथे त्या पोहोचल्याच नाहीत. घरमालकिणीने वारंवार फोन केला. पण फोन उचलला गेला नाही. सुरुवातीला वाटलं. कदाचित तब्येत बरी नसेल पण तासन् तास गेले. तरी काहीच प्रतिसाद नव्हता. मग ही माहिती त्यांची मुलगी एकता हिला देण्यात आली. मुलीला आला संशय. दुसऱ्या दिवशी एकता आईच्या घरी पोहोचली. घराला बाहेरून कुलूप होतं. पहिल्या नजरेत सर्व काही सामान्य वाटत होतं. पण एक गोष्ट तिच्या लक्षात आली. आईच्या चप्पला दाराबाहेरच पडलेल्या होत्या. जर आई बाहेर गेली असेल तर चपला बाहेर कशा? आणि जर घरात असती. तर कुलूप बाहेरून कसं? याच एका छोट्याशा गोष्टीने तिचा संशय वाढला. कुलूप तोडण्यात आलं आणि आत जे दृश्य दिसलं ते अंगावर काटा आणणारं होतं. ज्योती पवार यांचा मृतदेह घरात पडला होता. पोलिस घटनास्थळी पोहोचले. फॉरेन्सिक पथकाने संपूर्ण घर तपासलं. शवविच्छेदन करण्यात आलं आणि त्यातून स्पष्ट झालं हा नैसर्गिक मृत्यू नव्हता. त्यांचा गळा आवळून खून करण्यात आला होता. आता पोलिसांसमोर सर्वात मोठा प्रश्न होता. खून कोणी केला? आणि का केला? मुंबईची प्रत्येक ताजी बातमी पाहण्यासाठी लोकमत मुंबई युट्युब चॅनेलला नक्की सबस्क्राइब करा :    / @lokmatmumbai   Click Here For Latest News & Updates►http://www.lokmat.com To Stay Updated Download the Lokmat App► Android Google Play: http://bit.ly/LokmatApp Like Us On Facebook ►   / lokmat   Follow Us on Twitter ►  / milokmat   Instagram ►  / milokmat