سلیمانی و بارانی بەخوڕی بەهار

#وێنە_و_یادگاری سلێمانیتان بەم جۆرە بینیوە؟!. ئەمڕۆ هەیننیی ٢٧ ئازاری ٢٠٢٦، بەشەقامی گۆراندا دادەگەڕام، چۆڵی ئەو شەقامە لەچاو ڕۆژانی ڕابردوو، خەیاڵ و ئەندێشەمی، تێکەڵ بە دەنگی خوڕەمی بارانی ئەم بەهارە تەڕەکرد، من بەدەم تۆمارکردنی دیمەنی هاژەی باران و بزڕکاندنی چەند وشەیەك بۆ دیمەنەکە، هەنگاوم لەنێو دڵە نەرمەکەی دڵۆپە باران توند دەکرد و قاچم دەکرد بەپایەو پشتگیر بۆ ئەوەی هەندگاوی داهاتووم بەڕێکی هەڵبنێم، بەبێ ویستی ئەوەی کە هەست بەوە بکەم، دەنگی میوزیکە باران، کەلەسەر ئەو تەختە شانۆیە نمایشی دەکرد و بەبردنی سەرنجی منێکی بینەری، ئازارەکانمی دەشۆردەوە، من پێم توند دەکرد و ئەو دەرونمی پاك دەکردەوە، من قاچی پیسم دەخستە نێو ئەو، ئەو دڵۆپی قەتراناوی دەکردە نێو ژیانمەوەو وردە وردە، ژینگەی ژینمی لەژێر بارینیدا دەکردە مرۆڤێ لەتەم و ژینێکی بێخەم و ژینگەیەكی پڕ لەجوانی کیژۆڵە بەهاری ئامادە کراو بۆ پێشوازی لەنێرگز و لالەو بەیبیون و نەسرین و هەڵاڵە و نیلۆفەرو ژاڵە بەرژین. #زمناکۆ_ئیسماعیل - #zmnako_ismael