تاجکستان او ازبکستان ته د ملا محمد یعقوب خبرداری

د ملي دفاع سرپرست وزیر ملا محمد یعقوب په تاجکستان او ازبکستان هېوادونو غږ کړی، چې د افغان پوځ الوتکې او چورلکې دې، بیرته راولیږي. مجاهد خبرداری ورکړی، چې هېوادونه دې دافغانانو زغم نه ازمايي او خپل حق دې ورکړي. دفاع وزیر، د افغان پوځ هوایي ځواک پر پیلوټانو او کارکونکو غږ کړی، که هېواد ته راستانه شي، دوی به یې د تیر په پرتله ډیر قدر وکړي. هغه له سیاسي مخالفینو هم غوښتي، چې هېواد ته دې راستانه شي.