Медик болуп 46 жыл иштеп үйгө жетпедим/ Кызын жоготуп, неберелерине санааркаган Зууракан апа

Зууракан Мамбеталиева Кочкор районунда бирөөнүн эки бөлмөлүү үйүндө неберелери менен баш калкалап жатат. Жакында эле чоң кызын жерге берип, кабыргасы кайышып отурган чагы. Жолдошу экинчи кызы боюнда бар кезде "ооруулусуң" деп таштап кеткен экен. Маркум кызынын жолдошу да 9 жыл мурун инфарктан каза болуптур. Эми ата-энесинен ажырган эки небересин кароо милдети Зууракан апага жүктөлдү. Кызы өлөр алдында "апа, кыздарымды сизге табыштайм, окутуп коюңуз" деп айткан экен. Мындан улам ал "мен да улгайып калдым, ооруп да атам, көзүм өтүп кетсе ушул кыздар талаада калбасын" деп бийлик башчыларынан турак жай алууга көмөктөшүүнү суранды. Өзү 46 жыл медик болуп иштеп, үйгө жете албаганын айтты. Зууракан апага жардам берүү үчүн Мбанк номери: 996705280857