សម្តេចតេជោ ហ៊ុន សែន បានគ្រោងបណ្តុះធនធានជំនាញ ១លាននាក់ តាំងពីនីតិកាលទី៥

បណ្ឌិត ស៊ុំ ឈុំឡុង៖ សម្តេចតេជោ ហ៊ុន សែន បានគ្រោងបណ្តុះធនធានជំនាញ ១លាននាក់ តាំងពីនីតិកាលទី៥ ភ្នំពេញ៖ បណ្ឌិត ស៊ុំ ឈុំឡុង បានលើកឡើងថា សម្តេចតេជោ ហ៊ុន សែន បានដាក់ចេញនូវចក្ខុវិស័យបណ្តុះបណ្តាលធនធានជំនាញឱ្យបាន ១លាននាក់ តាំងពីនីតិកាលទី៥ ដោយមើលឃើញជាមុនពីសារៈសំខាន់នៃការអភិវឌ្ឍធនធានមនុស្ស សម្រាប់គាំទ្រកំណើនសេដ្ឋកិច្ច និងការប្រកួតប្រជែងរបស់កម្ពុជា។ លោកបន្តថា ថ្វីបើប្រទេសកម្ពុជាបានជួបវិបត្តិធ្ងន់ធ្ងរដោយសារជំងឺកូវីដ-១៩ ដែលប៉ះពាល់ដល់សេដ្ឋកិច្ច និងទីផ្សារការងារយ៉ាងខ្លាំងក៏ដោយ ក៏សម្តេចតេជោនៅតែខិតខំរក្សាស្ថិរភាពសេដ្ឋកិច្ច សង្គម និងជីវភាពរបស់ប្រជាពលរដ្ឋ ដើម្បីឱ្យប្រទេសអាចឆ្លងផុតវិបត្តិ និងបន្តអនុវត្តផែនការអភិវឌ្ឍធនធានមនុស្សបាន។ បណ្ឌិត ស៊ុំ ឈុំឡុង បានគូសបញ្ជាក់ថា ការបណ្តុះបណ្តាលជំនាញវិជ្ជាជីវៈដល់ប្រជាពលរដ្ឋ គឺជាមូលដ្ឋានសំខាន់សម្រាប់បង្កើនផលិតភាពការងារ លើកកម្ពស់ប្រាក់ចំណូល និងពង្រឹងសមត្ថភាពប្រកួតប្រជែងរបស់កម្ពុជាក្នុងបរិបទសេដ្ឋកិច្ចតំបន់ និងពិភពលោក៕